Lajme

Raportimi në komisionin e AKI-së, Musliu thotë se gjendja në veri është e qetë

Autori: Gazeta inFokus 12:39 | 09 November 2022

Kryetarja e Komisionit për Mbikëqyrjen e Agjencisë së Kosovës për Inteligjencë, Ganimet Musliu, pas mbledhjes së këtij komisioni ka thënë se gjendja në veri momentalisht është e qetë.

Kështu ka raportuar para natareve të Komisionit për Mbikëqyrjen e AKI-së, drejtori i këtij institucioni, Petrit Ajeti.

Mirëpo, deputetja Musliu tha se ekziston mundësia e përshkallëzimit të situatës.

-Advertisement-

Gjithashtu ajo tha se institucionet duhet të jenë të vëmendshme.

“Sot e kishim në raportim rreth gjendjes së krijuar në veriun e Kosovës drejtorin e agjencisë për inteligjencë të Kosovës Petrit Ajeti me të cilin diskutuam gjer e gjatë dhe u informuam për gjendjen në veri. Sa i përket gjendjes së sigurisë mund të konstatojmë se gjendja e sigurisë është e qetë por gjithmonë me mundësi të përshkallëzimit. Prandaj institucionet e sigurisë së vendit janë në krye të detyrës dhe janë të gatshëm për çdo provokim të mundshëm”, ka thënë Musliu./Gazeta Infokus/

Subscribe në YouTube: GAZETA INFOKUSI