Lajme

Raportimet se shpenzuan 31 milionë euro në udhëtime, Zemaj i drejtohet qeverisë Kurti: Përveç të paaftë edhe mashtrues

Autori: Gazeta inFokus 15:08 | 12 August 2024

Deputeti i Lidhjes Demokratike të Kosovës, Armend Zemaj ka kritikuar qeverinë Kurti, për rritjen e shpenzimeve të udhëtimeve zyrtare.

Sipas raportimit të Front Online, shpenzimet e Qeverisë Kurti kanë arritur shumën e përgjithshme prej më shumë se 31 milionë euro.

Zemaj ka thënë se qeveria Kurti, pëvec të pafytyrë po dalin edhe të pangopur.

-Advertisement-

A po i shihni sa te pafytyrë e të pangopur po dalin? 31 milion shpenzime të luksit, 31 milion dreka e darka,31 milion taksa të popullit për luks të tepruar. Përveç të paaftë edhe mashtrues”.

Vlen të ceket se Kurti dhe bashke partiaket e tij sa ishin në opozitë disa herë i kanë kritikuar drejtuesit e institucioneve qendrore dhe lokale, siç thoshin për luksin e tepruar dhe për udhëtime sa për “të marrë mëditje”, por gjatë mandatit të tyre në krye të Qeverisë ka ndodhur e kundërta, duke vazhduar me avazin e vjetër të shpenzimeve buxhetore.

Sipas dokumentit të shpenzimeve buxhetore për vitin 2023, të cilin e posedon portali “FrontOnline”, institucionet e vendit gjatë vitit të kaluar për udhëtime zyrtare jashtë vendit, mëditje të udhëtimeve, akomodim dhe për transport kanë shpenzuar 8.7 milionë euro.

Këto shpenzimet janë më të larta për 1.5 milionë euro, krahasuar me vitin 2022 dhe për rreth 5.5 milionë euro më të larta se në vitin 2021.

Subscribe në YouTube: GAZETA INFOKUSI