Lajme

Raporti i OBSH: Rastet e të prekurve me kancer do të rriten me 77% deri në vitin 2050

Autori: Gazeta inFokus 07:51 | 06 February 2024

Sipas vlerësimeve të fundit nga Organizata Botërore e Shëndetësisë rastet globale të kancerit do të arrijnë deri në 35 milionë në vitin 2050, një rritje prej 77% nga 20 milionë raste të diagnostikuara në 2022.

Të dhënat u publikuan disa ditë më parë nga Agjencia Ndërkombëtare për Kërkimin e Kancerit të OBSH-së dhe mbulojnë 185 vende dhe 36 forma të sëmundjes.

Studiuesit zbuluan se në vitin 2022 kanceri i mushkërive ishte forma më e zakonshme në mbarë botën ku numri i të prekurve kapte shifrën e 2.5 milionë raste, i ndjekur më pas nga kanceri i gjirit femëror, kolorektalit, prostatës dhe stomakut.

-Advertisement-

Në vendet me Indeks shumë të lartë të Zhvillimit Njerëzor, 1 në 12 gra diagnostikohet me kancer gjiri dhe 1 në 71 vdes prej tij. Ndërsa në vendet më Indeks të ulët vetëm 1 në 27 gra diagnostikohet me kancer gjiri, dhe 1 në 48 gra vdesin prej tij, kryesisht për shkak të diagnostikimit të vonë dhe mungesës së aksesit në trajtime.

Anketa e re globale hedh dritë mbi pabarazitë e mëdha dhe mungesën e mbrojtjes financiare për kancerin në mbarë botën, veçanërisht në vendet me të ardhura më të pakta.

OBSH po punon intensivisht me më shumë se 75 qeveri për të zhvilluar, financuar dhe zbatuar politika për të promovuar kujdesin ndaj kancerit.

Studiuesit gjithashtu vënë në dukje disa faktorë se si numri i rasteve të kancerit shtohet akoma më shumë, të tilla si obeziteti, përdorimi i duhanit dhe përdorimi i alkoolit, si dhe faktorët mjedisorë si ndotja e ajrit, ndotja e ujit etj.

Subscribe në YouTube: GAZETA INFOKUSI
Etiketa:
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…

Të tjera