Lajme

Ramush Haradinaj, kryeministri me pagën me te lartë ne rajon

Autori: Gazeta inFokus 14:51 | 13 June 2018

Nëse jo me tjera gjëra kryeministri i Kosovës lë shumë mbrapa homologët e tij me pagë.

Haradinaj për punën që bën paguhet dy deri tre fish më shumë se kryeministrat e vendeve fqinje, shkruan GazetaFokus.

I pari i Qeverisë së Kosovës merr çdo muaj nga 2.950 euro, derisa ai i Shqipërisë merr përgjysmë më pak, vetëm 1.700 euro.

-Advertisement-

Edhe kryeministri i Maqedonisë, Zoran Zaev paguhet dukshëm më pak se Haradinaj, paga mujore e tij është 1.300 euro. Kryeministri i Malit të Zi, Dusko Markovic merr pagë prej 1.130 euro ndërsa ajo e Serbisë, Ana Brnabic paguhet 1 mijë euro.

“I pakënaqur” me pagën prej 1500 euro, kryeministri i Kosovës, Ramush Haradinaj vetëm tre muaj mas marrjes e kësaj pozitë e dyfishoj atë.

E në ‘krah’ të tij u shpërblyen edhe pesë zëvendëskryeministra, ministrat e zëvendësministrat që janë rreth 70, shkruan GazetaFokus.

Me këtë vendim Haradianj ia kalonte me pagë është presidentit të Kosovës, Hashim Thaçit dhe kryetarit të Kuvendit Kadri Veselit. I pari paguhet 2 mijë e 663 euro, kurse Veseli 2 mijë e 753 euro.

E gjendja jo e mirë ekonomike ne vend ngjalli reagime të shumta por edhe këtë herë Haradianj kishte një arsyetim.

Ai tha se rritjen e pagës e bëri për furnizim dhe veshmbathje.

“Rritjen e pagës time e kam bërë për integritetin e profesionit. Nuk dua të shoh integritetin e cenuar. Nuk është në pyetje parja, por porosia, S’mund të dal dosido, obligohem për një kravatë, një këmishë…”,ka thënë ai.

Por këto nuk ishin reagimet e vetme, edhe deputetë të Kuvendit të Kosovës reaguan. Madje Albuelna Haxhiu dhe 30 të tjerë e dërguan këtë vendim në Gjykatën Kushtetuese.

E kjo e fundit tha se vendimi për ngritjen e pagave për kabinetin qeveritar nga ana e Haradinajt, nuk është në kundërshtim me Kushtetutën e Kosovës./GazetaFokus.

Subscribe në YouTube: GAZETA INFOKUSI
Etiketa:
Comodita në Gjermani shpalos koleksionin e produkteve të reja në panairin Heimtextil në Frankfurt
-Advertisement-

Të tjera

Fokusi

lajme