Sport

Ramos ia kërkon Perezit këtë transferim në verë

Autori: Gazeta inFokus 12:04 | 25 March 2018

Kapiteni i Real Madrid i ka kërkuar Florentino Perez-it që të marrë portierin e Manchester United, David De Gea, sipas “Don Balon”.

Ramos dhe De Gea janë të grumbulluar bashkë në kombëtare dhe kanë luajtur në miqësoren e luksit të barazuar 1-1 me Gjermaninë të premten në mbrëmje. Dhe mbrojtësi është i sigurt se numri 1 i Spanjës dëshiron të largohet nga United në fundin e sezonit.

Portieri ka qenë shumë afër “Los Blancos” në 2015-ën, por operacioni ka dështuar në minutat e fundit për shkak të një mosfunksionimi të faksit dhe De Gea vendosi të rinovojë me “Djajtë”.

Por, sipas Ramos, portieri ka humbur durimin tek United dhe kërkon të transferohet te një klub që lufton për çdo trofe. United është në vendin e dytë në Premier League, por 16 pikë larg Manchester City-it dhe është eliminuar në 1/8-at e Champions League nga Sevilla.

-Advertisement-

De Gea ka qenë lojtari më i mirë i tre sezoneve të fundit i Manchester United, por nuk ka arritur të fitojë një titull në Premier që nga koha kur Alex Ferguson është larguar. Ramos synon të përfitojë nga kjo situatë dhe ta marrë te Real-i.

Subscribe në YouTube: GAZETA INFOKUSI