Lajme

Rama publikon pamje nga dëmtimi i infrastrukturës rrugore, kritikon autobusët që parkohen ilegalisht

Autori: Gazeta inFokus 21:07 | 17 December 2022

Kryetari i Komunës së Prishtinës Përparim Rama, ka shpërndarë në llogarinë e tij në Facebook një video ku shihet një autobus privat, i cili është parkuar në trotuar.Në pamjet e publikuara shihet një nga shoferët e autobusit duke tentuar ta largojë pengesën, kështu duke dëmtuar infrastrukturën rrugore.

Rama ka qortuar veprimin në fjalë e po ashtu ka kritikuar shoferët e autobusëve privatë që operojnë dhe parkohen ilegalisht, në vende që nuk janë të destinuara për t’u ndalur.

“Derisa ne bëjmë çmos për përmirësimin e kushteve në trafik, shoferët e autobusëve privat jo vetëm që operojnë e parkohen ilegalisht në vende jo të destinuara për të ndaluar, mirëpo edhe e dëmtojnë infrastrukturën rrugore. Duhet ta duam, ta respektojmë dhe të kujdesemi për Prishtinë tonë!”, ka shkruar ai në Facebook.

-Advertisement-

Subscribe në YouTube: GAZETA INFOKUSI
Afati i fundit për regjistrime në programin MSc. Data Science & Analytics në UNI – Universum International College – Powered…
-Advertisement-

Të tjera

Fokusi

lajme