Lajme

“Ra kjo video e nuk do ta votoj”, ironia me Përparim Ramën që Arben Vitisë iu kthye në kundër-fushatë

Autori: Gazeta inFokus 13:47 | 04 November 2021

Kandidati i Lëvizjes Vetëvendosje për kryetar të Prishtinës, Arben Vitia vendosi që përmes një videoje të tregonte për planin e tij për parkun e ri në mes të kryeqytetit, që sipas tij, do të përfshinte disa lagje.

Mirëpo, një pjesë e videos ku ai vendosë “me shaka” të ironizojë me kundër kandidatin e tij nga LDK-ja me të cilin janë në balotazh, Përparim Ramën, ka bërë që kjo video për fushatë, Vitisë, t’i kthehet në kundër-fushatë.

Në video shihet Vitia i cili  qesh derisa flet në video promocionale: “Do ta rrënojmë Pallatin e Rinisë.., do ta rrënojmë stadiumin…” duke qeshur e imituar Ramën.

-Advertisement-

Pjesa e videos ku ai qeshet me deklaratat e kundërkandidatit  dhe ironizon me planin e tij që kishte gjatë fushatës i ka sjellë shumë komente negative, kandidati të LVV-së.

Të shumtë janë qytetarët që kanë dalë kundër Vitisë e kundër kësaj mënyrë të bëri fushatë, siç e përdori ai duke e quajtur negative, të panevojshme, të tepruar, fëmijërore, bullizuese e plot epitete të tjera.

Në vazhdim mund të shihni disa nga këto komente, pasi është e pamundur të përfshihen të gjitha komentet negative drejtuar në profilin e Vitisë.

Njëri nga komentet që ka bërë një qytetar është përmendja e cdo punë të mirë por edhe të keqe që ka bërë Vitia gjatë mandateve në institucionet shtetërorë, derisa ka thënë se ai nuk duhet ti trajtojë qytetarët si dele.

Një tjetër koment është ai i një qytetari që e quan gabim trashanik videon ironizuese të Vitisë, duke thënë se në këtë formë ai po e pranon kundër kandidatin e tij si ‘njëshi’ për Prishtinën.

Derisa nuk kanë munguar komentet ku kjo pjesë e videos konsiderohet edhe bullizuese dhe Vitia konsiderohet si nxënës i shkollave që bullizojnë fëmijët e tjerë për deklaratat e tyre.

E pati edhe qytetarë të cilët thanë se kjo video ka ndikuar që ata të mos e votojnë Arben Vitinë në zgjedhjet e balotazhit.

Kujtojmë se me 14 nëntor Përparim Rama dhe Arben Vitia do të përballen në zgjedhjet e balotazhit.

Derisa në zgjedhjet lokale të 17 tetorit, Vitia doli i pari me 42,54% të votave ndërsa Përparim Rama pati 29,17% të votave në Prishtinë.

Në vazhdim mund të shihni komente të tjera në videon e Vitisë që iu kthye “boomerang” kundër tij./Gazeta Infokus/

 

Subscribe në YouTube: GAZETA INFOKUSI
Etiketa:
Presidenti i UNI z. Alejtin Berisha, folës mbi temën “Women’s Role in Artificial Intelligence Development” në DOKUTECH, edicioni i 11-të

Të tjera

Fokusi

lajme