Sport

Qyteti italian shpreh gatishmëri të jetë nikoqir i finales së madhe River – Boca

Autori: Gazeta inFokus 16:57 | 26 November 2018

Qyteti italian Genoa e ka shprehur gatishmërinë për të qenë nikoqir për ndeshjen e dytë të finales së Copa Libertadores, për shkak të lidhjes historikë që ka ky qytet me finalistët, River Plate dhe Boca Juniors.

Kjo ndeshje fillimisht ishte planifikuar të zhvillohej të shtunën por ishte shtyrë për të dielën pasi që autobusi i Boca Juniors ishte sulmuar nga tifozët e River Plate. Ndeshja nuk u zhvillua as të dielën tani pritet të merret vendimi për datën përfundimtare.

Boca njihet me nofkën “Genoese” pasi ishte themeluar nga emigrantët që kishin ardhur në këtë qytet nga Genoa, ndërsa River u themelua pasi u bashkuan dy klube, Santa Rosa dhe Rosales. Santa Rosa u themelua nga një emigrant i Genoas.

-Advertisement-

“Qyteti ynë, i afërt në aspektin historik, kulturor dhe sportiv me Buenos Aires, e ndien këtë lidhje të thellë dhe të pamohueshme me dy klubet prestigjioze, të cilat u themeluan nga qytetarë tanë të cilët emigruan nga Italia në Argjentinë në fillim të shekullit të 18-të dhe janë sot ekipe binjake me dy klubet tona, Genoa dhe Sampdoria”, shkruhet në deklaratën e Komunës së Genoas.

“Ngjarjet e dhimbshme që na goditën neve gjatë kohës së fundit e kanë ngjallur një kuptim më të thellë për komunitetin dhe për rizbulimin e rrënjëve tona. Për këtë arsye, ne jemi të lumtur dhe të nderuar t’iu informojnë se qyteti jonë është i gatshëm të jetë nikoqir për ndeshjen prestigjioze dhe të rëndësishme, derbin e kryeqytetit të Argjentinës”.

Subscribe në YouTube: GAZETA INFOKUSI