Lajme

Quni dyshon se PAN i ka siguruar votat për Qeverinë

Autori: Gazeta inFokus 21:06 | 11 July 2017

Deputeti i Lidhjes Demokratike të Kosovës Anton Quni, tha se koalicioni të cilit ai i takon, nuk ka asnjë deputet që ka disponim që të jap votën pro PAN’it, me të cilat do të mund të ketë shumicën në qeveri.

Quni deklaroi se proceset po zhvillohet me një dinamikë dhe intensitet të lartë.

“Është e pamundur që PAN’i të sigurojë votat për të marrë votëbesimin e qeverisë dhe krijimin e saj”, tha Quni për televizionin publik.

-Advertisement-

Sipas tij ekziston ndonjë mundësi që deputetët e partive të mund të ndryshojnë qëndrim.

“Koalicioni ka qëndrim, që aty ku është PDK’ja, të mos ketë bisedime, nëse ndonjë deputet mund të ndërrojë qëndrim është përgjegjësi e tij”, tha ai.

Quni bëri me dije se ka shokë e miq edhe në partitë e tjera dhe tha se nuk ka pasur ftesë nga ana e koalicionit që ka marrë më shumë vota që të jetë pjesë e bisedimeve.

Subscribe në YouTube: GAZETA INFOKUSI