Lajme

QMF-të s’japin më infuzione, spitalet po

Autori: Gazeta inFokus 20:36 | 15 December 2022

Institucionet e kujdesit parësorë prej muajsh nuk janë furnizuar me infuzione.

Sipas Ministrisë së Shëndetësisë, kjo ndodhë për shkak të mungesës së ofertueseve për tri herë me radhë, teksa tek tash kjo procedurë është rivlerësim.

Megjithëkëtë për pak kohë infuzionet më nuk do të mund të aplikohen si terapi për pacientët kudo në QKMF-të, QMF-të dhe AMF-të siç ka ndodhur deri më tani, përveç në shërbimin e urgjencës në kuadër të QKMF-ve dhe vetëm tek rastet urgjente.

-Advertisement-

Zëvendësministri i Shëndetësisë, Arsim Berisha, thekson se është koha që koncepti i mjekësisë familjare të zbatohet si dhe terapia intravenoze me infuzione llogaritet pacient spitalorë.

Kjo me arsyetimin se koncepti i mjekësisë familjare nuk e parasheh dhënien e infuzioneve dhe se për këtë duhet pasur indikacione të mëdha.

E, drejtori i QKMF-së së kryeqytetit, Bujar Gashi, tregon se infuzionet duhet të aplikohen vetëm atëherë kur gjendja e pacientit nuk e lejon marrjen e terapisë dhe lëngjeve përmes gojës.

Megjithëkëtë, Gashi shton se Prishtina duhet të përjashtohet nga kjo pikë zbatuese në mungesë të një spitali sekondar.

Subscribe në YouTube: GAZETA INFOKUSI