QKUK ka mungesë të anesteziologëve
![](https://gazetainfokus.com/wp-content/uploads/2018/03/qkuk-716x460.jpg)
Autori: Gazeta inFokus
09:33 | 23 May 2018
Kosova ka mungesë të theksuar të mjekëve anesteziologë. Brenda Qendrës Klinike Universitare të Kosovës janë rreth 45 anesteziologë.
Por, drejtori i Repartit të Anesteziologjisë, Nehat Baftiu, tha për Radion Evropa e Lirë se sipas një studimi të brendshëm, që të plotësohen nevojat e këtij institucioni me anesteziologë, për gjithsej 32 salla operative sa ekzistojnë, do duhej të ishin rreth 100 anesteziolog.
Ndryshe, këto ditë brenda Qendrës Klinike Universitare të Kosovës do të hapet mjekimi i ri intensiv që do të shërbejë për pacientë.
Por, sipas Baftiut mbulimi me mjekë anesteziologë atje do të jetë i vështirë.
“Ne jemi në deficit me mjekë, jo sot por prej fillimit. Menaxhojmë një hapësirë tepër të madhe brenda Qendrës Klinike Universitare të Kosovës dhe numri i mjekëve nuk po shtohet. Ata që po specializojnë anesteziologjinë po shkojnë të punojnë privat dhe jashtë vendit për paga më të mira”.
“Ne jemi rreth 45 anesteziologë gjithsej për gjithë QKUK-në. Tash po shtohet numri i shtretërve, në 27 shtretër. Kam kërkuar nga drejtoria mjekë anesteziolog, por ata kanë sjellë infermierë. Nuk e di çka do të bëjmë sepse reparti intensiv i kardiokirurgjisë po bëhet me më shumë shtretër dhe duhet t’i dërgojmë 2 anesteziolog atje. Ortopedia gjithashtu ka shtuar shtretër, gjinekologjia dhe ne jemi në deficit me anesteziolog”, tha Baftiu.
Në anën tjetër, drejtori i departamentit për informim në Ministrinë e Shëndetësisë, Faik Hoti, bëri të ditur se mjekimi intensiv dhe anesteziologjia kanë qenë si drejtime që viteve të fundit iu është dhënë prioritet, pasi që numri i specialistëve në këto fusha ka qenë i kufizuar.
Ai tutje shton se në proces të specializimit që e ka shpallur Ministria e Shëndetësisë janë edhe 38 mjekë të cilët po e përfundojnë shkollimin specialistik për anesteziologji e që do të shërbejnë për nevoja të QKUK-së dhe spitaleve të përgjithshme.
“Këtyre ditëve pritet të hapet mjekimi intensiv i ri në QKUK që është një investim i huaj. Shërbimi Spitalor Klinik Universitar ka shpallur konkurs ditë më parë për nevojat e QKUK së ku parashihet rekrutimi i pesë anesteziologëve. Këto kuadro që do të rekrutohen si dhe stafi aktual do t’i mbulojnë nevojat edhe të mjekimit intensiv pa e mbyllur asnjëherë mundësinë për të marr kuadro të reja sepse siç e thash mjekimi intensiv dhe anesteziologjia kërkojnë vazhdimisht kuadro sepse kanë qenë deficitare në Kosovë”, tha Hoti.
Sidoqoftë, jo vetëm në Qendrën Klinike Universitare por edhe spitalet rajonale kanë mungesë kuadrosh të anesteziologëve ku në spitalin e Mitrovicës është vetëm një anesteziolog, në atë të Vushtrrisë po ashtu vetëm një, derisa spitali i Pejës ka dy anesteziologë. Në të njëjtën situatë janë edhe spitalet në Ferizaj, Gjilan, e kështu me radhë.
![](https://gazetainfokus.com/wp-content/uploads/2023/11/FotoLajm.jpg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...