Lajme

QIKA kërkon drejtësi dhe përgjegjësi institucionale për Donjeta Pajazitajn

Autori: Gazeta inFokus 16:11 | 07 April 2023

Rrjeti i organizatave QIKA kanë reaguar së fundmi për vendimi i Gjykatës Supreme për lirimin e Naser Pajazitaj, i cili ishte i akuzuar për vrasjen e Donjeta Pajazitajt në nëntor 2015, duke thënë se ka krijuar shqetësim e paqartësi të mëdha në opinionin publik.

Në njoftim thuhet se rasti është trajtuar në gjitha shkallët gjyqësore në Kosovë dhe janë marrë vendime diametralisht të kundërta në shkallë të ndryshme.

“Në mars të vitit 2018 Gjykata Themelore në Pejë të akuzuarin Naser Pajazitaj e kishte liruar nga akuzat për vrasjen e Donjeta Pajazitajt, ndërsa pas kthimit në rigjykim, Gjykata Themelore në Pejë, në mars të vitit 2019, e kishte shpallur fajtor të akuzuarin dhe e kishte dënuar me burgim të përjetshëm. Në qershor të vitit 2022 Gjykata Themelore në Ferizaj e kishte dënuar të akuzuarin Pajazitaj me burgim të përjetshëm, ndërsa Gjykata e Apelit e kishte ulur dënimin me burgim në kohëzgjatje prej 35 vitesh.”

-Advertisement-

Këto ndryshime të vendimeve të drejtësisë, ato i quajnë laramani që ilustron dështimin e sistemit të drejtësisë në Kosovë.

Subscribe në YouTube: GAZETA INFOKUSI