Lajme

Qeveria procedon në Kuvend Demarkacionin këtë fundjavë ose fillimjavën që vjen!

Autori: Gazeta inFokus 18:19 | 26 April 2017

Qeveria e Kosovës, këtë javë ose më së largu në fillim të javës së ardhshme, do ta miratoj në mbledhjen e kabinetit qeveritar dhe do ta procedoj në Kuvendin e Kosovës, Marrëveshjen për shënjimin e vijës kufitare me Malin e Zi.

Siç bëhet e ditur për koha.net nga Zyra për Komunikim Publik në Zyrën e Kryeministrit, pas kthimit të kryeministrit Isa Mustafa nga Brukseli, gjatë kësaj jave ose më së largu në fillim të javës së ardhme Marrëveshja për Demarkacionin do të jetë në Kuvend.

Në pyetjet e koha.net për kohën kur do të procedohet për ratifikim Marrëveshja për shënjimin e kufirit me Malin e Zi, Zyra për Komunikim Publik e Qeverisë ka konfirmuar se “pas kthimit nga Brukseli, kryeministri Isa Mustafa do të harmonizoj qëndrimet me partnerët e koalicionit dhe në fund të kësaj jave apo në fillim të javës së ardhshme Marrëveshja për kufirin me Malin e Zi do të procedohet në Kuvendin e Republikës së Kosovës”.

Të tjera