Lajme

Qeveria në Serbi vendosë: Mësim online për nxënësit serbë në Kosovë

Autori: Gazeta inFokus 13:57 | 10 September 2021

Ministria e Arsimit, Shkencës dhe Zhvillimit Teknologjik e Serbisë ka marrë vendim për mbajtjen e mësimit online edhe për nxënësit serbë që vijojnë mësimet në Kosovë.

Sipas këtij vendimi “mësimet në gjuhën serbe në shkollat fillore dhe të mesme në Kosovë do të vazhdojnë javën e ardhshme si pjesë e modelit të tretë”.

“Kjo do të thotë që studentët do të vazhdojnë të ndjekin mësimet nga distanca, pra “online”.

-Advertisement-

“Gjithashtu, bazuar në vendimin e Shtabit të Krizave, modeli i dytë i organizimit të punës edukative (mësim i kombinuar) do të zbatohet në klasën VII dhe VIII të shkollave fillore në territorin e 40 qeverive lokale në Serbi”, raporton Radio Kontakt Plus.

Në qeverisjet vendore të përmendura, modeli i tretë i mësimdhënies (online) do të zbatohet në shkollat e mesme.

Në deklaratën nga kjo ministri theksohet se për shkak të përhapjes së llojit Delta të koronavirusit, u mor një vendim për nevojën e përdorimit të maskave mbrojtëse për të gjithë punonjësit, përfshirë ata që janë vaksinuar plotësisht, si dhe njerëzit që kanë pasur COVID-19.

Subscribe në YouTube: GAZETA INFOKUSI