Lajme

Qeveria mburret me “çlirimin e veriut”, Thaçi: Kosova ka vetëm një datë të çlirimit – 20 qershorin 1999

Autori: Gazeta inFokus 20:55 | 20 August 2026

Ish-presidenti i Kosovës, Hashim Thaçi, në intervistën e tij të fundit para aktgjykimit në Hagë, është pyetur edhe për situatën aktuale politike në Kosovë dhe zhvillimet në veri të vendit.

Gjatë intervistës, moderatori ka përmendur faktin se Qeveria aktuale e paraqet si një prej sukseseve të saj “çlirimin e veriut”, duke e pyetur Thaçin nëse, sipas tij, veriu i Kosovës është çliruar në të vërtetë.

Në përgjigjen e tij, Thaçi ka thënë se për Kosovën ekziston vetëm një datë unike e çlirimit.

-Advertisement-

“Kosova si vend ka një datë unike çlirimi, 20 qershorin 1999. Kjo datë shënon, pas 78 vitesh, largimin përfundimtar të policisë, ushtrisë dhe të gjithë aparatit pushtues serb”, ka deklaruar Thaçi.

Ai ka shtuar se, përveç datës së çlirimit të Kosovës, komunat kanë edhe datat e tyre të veçanta të lirisë.

“Por, çdo komunë, duke filluar nga Prishtina, ka datën e veçantë të lirisë”, është shprehur Thaçi.

Kështu, në përgjigjen e tij ndaj pretendimit për “çlirimin e veriut”, Thaçi ka insistuar se data unike e çlirimit të Kosovës është 20 qershori i vitit 1999./GazetaInfokus

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy