Qeveria maqedonase shpreh keqardhje për incidentin me Presidenten Osmani, paralajmërojnë masa që të shmangen situatat e tilla
Autori: Gazeta inFokus 21:54 | 02 August 2024
Qeveria e Maqedonisë së Veriut ka shprehur keqardhje për incidentin që ndodhi dje në Aeroportin e Shkupit, ku u përfshi Presidentja e Kosovës, Vjosa Osmani.
Në reagimin e lëshuar nga Qeveria thuhet se Ministria e Punëve të Jashtme tashmë ka kërkuar informacion nga të gjitha institucionet kompetente lidhur me ngjarjen e djeshme.
Pas analizimit të të dhënave të mbledhura, thonë se do të ndërmerren masat e nevojshme që të shmangen situate të tilla.
“Republika e Maqedonisë së Veriut dhe Republika e Kosovës ruajnë marrëdhënie dhe bashkëpunim dypalësh pozitiv dhe konstruktiv, pa çështje të hapura dhe me dialog të ndershëm dhe të vazhdueshëm në të gjitha nivelet dhe në të gjitha fushat. Në këtë kontekst, shprehim keqardhjen tonë për keqkuptimet e ndodhura gjatë udhëtimit të djeshëm të Presidentit të Republikës së Kosovës, Vjosa Osmani në aeroportin ndërkombëtar në Shkup. Theksojmë se Ministria e Punëve të Jashtme dhe Tregtisë së Jashtme e Republikës së Maqedonisë së Veriut tashmë ka kërkuar informacion nga të gjitha institucionet kompetente lidhur me ngjarjen e djeshme. Pas një analize adekuate të të dhënave të mbledhura në bashkëpunim të drejtpërdrejtë me Ministrinë e Punëve të Brendshme, do të ndërmerren të gjitha aktivitetet dhe masat e nevojshme, me qëllim kryesor shmangien e dukurive dhe situatave të tilla apo të ngjashme në të ardhmen”, thuhet në reagim.
Ministria e Punëve të Jashtme dhe Diasporës e Kosovës sot ka paraqitur notë proteste pranë autoriteteve të Maqedonisë së Veriut, lidhur me incidentin.
MPJD ka kërkuar kërkuar sqarim të menjëhershëm dhe të plotë për këtë incident.
“Njëkohësisht, është kërkuar që autoritetet maqedonase të ndërmarrin masa të menjëhershme për të hetuar këtë rast dhe për të siguruar që ngjarje të tilla të mos përsëriten në të ardhmen”, thuhet në njoftim.
Në njoftim thuhet se Osmani u ballafaqua me një trajtim të papërshtatshëm dhe të kundërligjshëm nga ana e pjesëtarëve të sigurimit të aeroportit.
“Në lidhje me këtë incident, Ministrja e Punëve të Jashtme dhe Diasporës, Donika Gërvalla, ka takuar ambasadoren e Maqedonisë së Veriut në Kosovë mbrëmë menjëherë pas incidentit dhe po ashtu edhe sot, duke kërkuar sqarime në lidhje me rastin. Gjithashtu, Ministrja Gërvalla ka realizuar sot një takim në MPJ me zëvendëskryeministrin e Maqedonisë së Veriut, z. Arben Fetai, me të cilin kanë diskutuar rreth incidentit në fjalë dhe nevojën e ndermarrjes së veprimeve të shpejta institucionale”, theksohet në njoftim.
Presidenca e Kosovës i ka quajtur të papranueshme deklarimet e Ministrisë së Punëve të Brendshme të Maqedonisë lidhur me këtë incident. Situata e djeshme, Presidenca ka thënë se nuk mund të shpjegohet e as të vlerësohet ndryshe, përveçse si një provokim i pastër dhe tendencë për të shkaktuar incident.
Në reagimin e Presidencës thuhet se në vend të kërkimfaljes, MPB e Maqedonisë së Veriut ka arsyetuar në tërësi kërkesën e sigurimit të aeroportit për ta marrë dhe për ta vendosur në skaner telefonin personal të Presidentes së Republikës së Kosovës, i cili përdoret nga kreu i shtetit edhe për komunikime zyrtare për çështje të sigurisë nacionale, shkruan Reporteri.net.
“Në fakt sot edhe a Aeroporti i Shkupit, por edhe vet MPB e Maqedonisë pranuan se urdhëri ishte dhënë nga MPB e Maqedonisë së Veriut për një kontrollë të tillë, i cili bie ndesh në tërësi me rregullat e trajtimit të krerëve të shtetit sipas praktikave diplomatike”, thuhet në reagim.
Të tjera
-
Inteligjenca gjermane: Një njësit rus kreu sulme kiberbetike ndaj NATO-s
Agjencia e inteligjencës së brendshme të Gjermanisë ka paralajmëruar kundër n...
-
Pas Kosovës, Lajçak gjatë kësaj jave viziton Serbinë
Javën e kaluar, Miroslav Lajçak, emisari i Bashkimit Evropian për dialogun Ko...
-
Policia shqiptoi mbi 1 mijë e 700 gjoba trafiku për 24 orë
Policia e Kosovës ka bërë të ditur se brenda 24 orëve të kaluara ka shqiptuar...
-
Musliu kritika Kurtit: Krijuam hapësirë që populli t’i varë shpresat tek një njëri i cili femiun e tij nuk do ta rrisë në vendin ku qeverisë
Deputetja e PDK-së, Ganimete Musliu, sot me mëngjes ka adresuar kritika ndaj ...
-
Pesë raste të dhụnës në familje në 24 orë, dy të dyshuar në arrati
Pesë raste të dhunës në familje janë raportuar në 24 orë. Në Lipjan një gr...
-
Mosvotimi i projektligjeve – VV fajëson disa deputetët e vetë
Gjatë muajit shtator pritet që Kuvendi i Kosovës t’i rikthehet punës në sesio...
-
Thẹret me thịkë një burrë në Deçan, i dyshuari ikë nga vendngjarja
Policia e Kosovës ka njoftuar se një burrë është therur me thikë dje në Deçan...
-
Plagoset një burrë me armë gjuetie në Vushtrri, dërgohet në QKUK
Një burrë është arrestuar në Sllakoc të Vushtrrisë, i cili dyshohet se plagos...
-
7 vjet nga votimi i Qeverisë Haradinaj
Sot mbushen shtatë vjet kur tashmë ish-legjislatura e gjashtë e Kuvendit të K...
-
Trajkoviq: Vuçiq nuk heq dorë lehtë nga strukturat mafioze si Radoiçiq e Veselinoviq, i shërbejnë projekteve të tij personale
Në një situatë ku po vijnë shantazhe nga të gjitha anët, strategji e presiden...
-
Dronët rusë shkelin hapësirën ajrore të Rumanisë dhe Letonisë
Dy shtete, anëtare të NATO-s, thanë të dielën se dronët rusë shkelën hapësirë...
-
Këto janë vendet me rritjen më të lartë ekonomike në BE
Ekonomia e eurozonës dhe Bashkimit Evropian u rritën vetëm në mënyrë modeste ...