Sport

Qeqa Krelani thumbon Dritën pas eliminimit nga Kupa e Kosovës, ka disa fjalë edhe për Ballkanin e Llapin

Autori: Erion Maliqaj 22:58 | 09 February 2021

Gazetarja e njohur, Qeqa Krelani, i ka komentuar dy ndeshjet kryesore të zhvilluar sot (e marte) në kuadër të 1/8 së finales në Kupën e Kosovës, shkruan Gazeta inFokus.

Krelani në një prononcim për Gazetën inFokus ka thumbuar skuadrën e Dritës pas eliminimit nga Prishtina, që triumfoi me rezultat minimal 1-0.

“Është kulturë shqiptare që pa filluar ndeshjet ne dëshirojmë ta dijmë se kush fiton. Ligjet që ka Kupa ndryshojnë nga ato të Superligës. Drita është skuadër që luan për të menaxhu pikët. Ata janë të prirur për të menaxhu rezultatin, jo cilësinë e lojës. E në Kupë nuk ke luks të mendosh veç për pikë. Nuk u habita që humbi Drita, sepse loja që ata bëjnë nuk korrespondon aspak me titullin kampion që ka. 75 minuta, Prishtina i dha leksion në atë pikë, saqë futbollistët e Dritës nuk e shifshin ku është Rexha. Nuhiu përdori arsyetimin tradicional, duke u ankuar për fushë të keqe. Thuajse stadiumi i Dritës është nivel evropian. Realisht është stadium për karton të kuq”, deklaroi komentatorja e Radio Kosovës.

-Advertisement-

Nuk ka asnjë përshkrim të disponueshëm

Qeqa foli edhe për ndeshjen ndërmjet Llapit dhe Ballkanit, ku theksoi ndryshimin e lojës së suharekasve me trajnerin e ri, derisa për llapjanët tha se fituan në momentet e duhura.

“Ballkani i Munishit na ka mësuar me futboll të bukur, por futbollin e bukur nuk e përballon gjithë kohës. Ne duhet të mësohemi edhe me Ballkanin pragmatik, një gjë të cilën Bledi po mundohet ta bëj. Llapi dëshiron të fitoj diçka, ose mesin e tabelës ose Kupën. Ka bërë mund dhe shpenzime. Fitore e këndshme dhe me plot meritë në momentet ma të duhura për Llapin”, përfundoi Qeqa Krelani.

Kupa e Kosovës do të vazhdon edhe nesër, ku në program janë katër takime./Gazeta inFokus/

Nuk ka asnjë përshkrim të disponueshëm

Subscribe në YouTube: GAZETA INFOKUSI
-Advertisement-

Të tjera

Fokusi

sport