Lajme

Që nga 1 janari i vitit 2022, mbi një mijë të infektuar me Covid-19

Autori: Gazeta inFokus 15:45 | 09 January 2022

Viti 2022 e gjeti Kosovën me rritje të rasteve pozitive me COVID-19, shkruan Gazeta Infokus.

Kjo në bazë të të dhënave nga Instituti Kombëtarë i Shëndetësisë Publike të Kosovës, sipas të cilave nga 1 janari i vitit 2022, deri më sot janë shënuar 1 193 raste pozitive. E vetëm në një ditë numri i këtyre rasteve shkoj deri në 304.

Ndërkaq në të njëjtën periudhë kohore, 93 persona janë shëruar nga COVID-19, ndërsa një person e ka humbur jetën.

-Advertisement-

Më poshtë i gjeni të dhënat më të detajuara:

Më 1 janar Kosova ka shënuar 47 raste pozitive, 1 rast të vdekjes dhe 7 persona janë shëruar.

Në ditën e dytë të këtij muaji janë infektuar 29 persona me Covid-19, dhe 12 të tjerë janë shëruar.

Ndërsa më datën 3 janar janë shënuar 38 raste të reja si dhe 7 persona janë shëruar.

Kurse gjatë 4 janarit, numri i të infektuarve ka shkuar në tre shifra, ku 108 persona kanë rezultuar pozitiv me koronavirus si dhe 11 persona janë shëruar.

Po ashtu edhe me datën 5 janar, është bërë e ditur se janë infektuar 107 persona si dhe 4 persona janë shëruar nga ky virus.

Më 6 janar, 152 persona kanë rezultuar pozitivë me Covid-19, si dhe 20 persona janë shëruar nga ky virus në të njëjtën ditë.

Në javën e parë të këtij viti, janë shënuar 144 raste pozitive si dhe 19 persona janë shëruar nga koronavirusit.

Ndërkaq gjatë ditës së djeshme numri i të infektuarve është rritur edhe më shumë, duke shënuar 264 raste të reja brenda 24 orëve, si dhe 10 persona të shëruar.

Edhe sot po ashtu është shënuar një numër jo i vogël i të infektuarve, krahasuar me fundvitin e 2021 ku nga raporti i fundit të IKSHPK-së, është bërë e ditur se janë infektuar 304 persona si dhe 3 persona janë shëruar nga ky virus.

Ministria e Shëndetësisë tash e disa ditë po bënë thirrje për qytetarët që të vaksinohen, derisa ende nuk ka diçka zyrtare për ndryshim të masave pas rritjes së numrit të rasteve./Gazeta Infokus/

Subscribe në YouTube: GAZETA INFOKUSI