Lajme

Putini dhe Vuçiqi javën tjetër zhvillojnë një bisedë kyçe telefonike

Autori: Gazeta inFokus 12:17 | 21 May 2022

Presidenti rus Vladimir Putin dhe ai serb Aleksandar Vuçiq do të kenë një bisedë telefonike javën e ardhshme, e cila do të jetë vendimtare për marrëveshjen e gazit mes dy vendeve, raporton “Novosti”.

Siç pretendojnë mediat serbe, nga rezultati i bisedimeve do të përcaktohet se sa do të paguajë Serbia në të ardhmen për gazin rus dhe sa kohë do të zgjasë kontrata.

Marrëveshja aktuale dhjetëvjeçare mes Rusisë dhe Serbisë për gazin skadon më 31 maj dhe negociatat në parim midis dy palëve kanë filluar, por dy shtetarët pritet të vënë një vulë dhe të specifikojnë kushtet e ujdisë.

-Advertisement-

Deri më tani Serbia ka paguar me çmim prej 270 dollarëve për 1000 metër kub të gazit rus.

Serbia është i vetmi shtet në Evropë që nuk ka vendosur ende sanskione ndaj Rusisë, si akt dënues ndaj agresionit ushtarak rus në Ukrainë.

Subscribe në YouTube: GAZETA INFOKUSI
Kryetari Përparim Rama pjesë e ‘Mayor’s Talk’
-Advertisement-

Të tjera

Fokusi

lajme