Sport

Putin bashkon dy legjendat e futbollit botëror, Maradona puth Pelen

Autori: Gazeta inFokus 10:39 | 02 December 2017

Në një ceremoni spektakolare të organizuar në Pallatin Shtetëror të Kremlinit, në Moskë u hodh shorti grupeve të fazës finale të botërorit “Rusi 2018”.

1300 të ftuar, ku bënin pjesë njerëz të sportit dhe jo vetëm, ra në sy prezenca e dy legjendave të futbollit, brazilianit Pele dhe argjentinasit Maradona, por edhe ajo e Presidentit Rus, Vladimir Putin.

Ndonëse diskutimi se cili mes Peles dhe Maradonës ka qenë më i miri në botë, vijon të jetë aktual edhe sot, të dy ata dje në Moskë kanë dhënë një mesazh vërtetë domethënës, se futbolli është sporti që bashkon njerëzit.

-Advertisement-

Puthja që Maradona i jep Peles, në prezencë të Presidentit Rus, Vladimir Putin, tashmë po bën xhiron e botës, si një paralajmërim mjaft i mirë për botërorin e verës së ardhshme.