Lajme

Putin: “Armët ruse dukshëm më superiore se ato të rivalëve”

Autori: Gazeta inFokus 23:36 | 15 August 2022

Rusia është e gatshme t’u shesë armë të avancuara aleatëve globalisht dhe të bashkëpunojë në zhvillimin e teknologjisë ushtarake, tha presidenti Vladimir Putin, duke shtuar se armët e saj të fundit janë shumë më superiore se ato të vendeve rivale.

Rusia vlerëson lidhjet e saj të forta me Amerikën Latine, Azinë dhe Afrikën, “dhe është e gatshme t’u ofrojë partnerëve dhe aleatëve llojet më moderne të armëve – nga armët e vogla te mjetet e blinduara dhe artileria, avionët luftarakë dhe mjetet ajrore pa pilotë”, tha Putin.

“Pothuajse të gjitha janë përdorur më shumë se një herë në operacione të vërteta luftarake”, shtoi ai.

-Advertisement-

Ai tha se Rusia mund të ofrojë modele dhe sisteme të reja: “Po flasim për armë dhe robotikë me precizitet të lartë, për sisteme luftarake të bazuara në parime të reja fizike. Shumë prej tyre janë vite, ose ndoshta dekada përpara homologëve të tyre të huaj, dhe për sa i përket karakteristikave taktike dhe teknike ata janë dukshëm më superiorë ndaj tyre”, tha ai.

Ukraina ka përdorur efektivisht armatimin e furnizuar nga Shtetet e Bashkuara, veçanërisht sistemet e raketave të artilerisë me lëvizshmëri të lartë (HIMARS), dhe Rusia ka marrë një sërë goditjesh të mëdha, duke përfshirë shkatërrimin e një baze ajrore në gadishullin e Krimesë të aneksuar nga Rusia javën e kaluar.

Megjithatë, Putin tha se forcat e Rusisë dhe përfaqësuesit e saj në rajonin Donbas të Ukrainës lindore po përmbushnin të gjitha detyrat e tyre.

“Hap pas hapi, ata po çlirojnë tokën e Donbasit”, tha Putin.

Subscribe në YouTube: GAZETA INFOKUSI
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin

Të tjera

Fokusi

lajme