Lajme

Punësimet e kundërligjshme të Shpend Ahmetit (DOKUMENT)

Autori: Gazeta inFokus 13:32 | 17 November 2017

Shpend Ahmeti i cili në balotash me Arban Abrashin po synon edhe një mandat të dytë për kryetar të Prishtinës, duket se nuk ka qenë shumë i kujdesshëm në ‘kurdisjen’ e vendeve të punës për ata të cilët ka dashur t’i punësoj në komunë.

Pikërisht në pikën ku shpend Ahmeti dhe Lëvizja Vetëvendosje kanë qenë në vazhdimësi të ashpër me kritika dhe akuza ndaj partive tjera për punësime familjare e partiake, siç shihet nga disa dokumente kanë bërë edhe vetë të njëjtën gjë, por për dallim nga të tjerët, nuk kanë qenë të kujdesshëm në rregullimin e letrave, siç ndodh rendomë në institucione, shkruan Infokusi.com

Në të paktën dy punësime, Shpend Ahmeti del se nuk ka qenë aq parimor për të respektuar procedurat ligjore për punësim, madje ka bërë punësime dhe ka nënshkruar kontrata para se të shpallet konkursi.

-Advertisement-

Në një punësim në vitin 2015, kryetari Ahmeti ka nënshkruar kontratë para se të shpallet konkursi për atë vend pune.

Saktësisht, nënshkrimi i Shpend Ahmetit në kontratën e punës së Osman Bllacës, i punësuar në pozitën e auditorit të brendshëm, sipas dokumenteve të siguruara nga portali Infokusi, figuron që është bërë një ditë para se të hapët konkursi për këtë pozitë.

Osman Bllaca sipas këtyre dokumenteve ka nënshkruar kontratë me kryetarin e Prishtinë, Shpend Ahmetin me datën 21.08.2015, derisa një ditë mbasi i është nënshkruar kontrata Komuna ka shpallur vendin e punës për këtë pozitë.

Rasti tjetër është punësimi i Arben Ulqinakut. Arben Ulqinaku u punësua në komunën e Prishtinës për pozitën e Inspektorit të Ndërtimit në Drejtorinë e Inspekcionit, ndërsa pas tre muajsh Shpend Ahmeti i ka lidhur kontratë si zyrtar i lartë për ndërtime në Drejtorin e Urbanizmit edhe pse konkursi ka qenë për një drejtori krejt tjetër.

Kontrata e parë Ulqinakut i është nënshkruar për pozitën e punës siç ishte e shpallur në konkurs, pra inspektorit të ndërtimit, me datën 12.09.2014, ndërsa me datën 23.12.2014 të njëjtit i është nënshkruar kontrata nga vetë Ahmeti për pozitën zyrtar i lartë për ndërtime./INFOKUSI