Publikohet dokumenti për të cilin MSH po pretendon se është falsifikuar nga “Pharma Leader” në tenderin për insulina
Autori: Gazeta inFokus 22:07 | 13 June 2023
Ministri i Shëndetësisë, Arben Vitia në një konferencë të jashtëzakonshme për medie ka akuzuar për falsifikim të dokumenteve “Pharma Leader”, kompaninë private e cila është ofertuese në tenderin për insulina.
Ai tha se provat që i ka siguruar Ministria, i ka dorëzuar në Prokurorinë e Shtetit.
Sipas ministrit kompania në fjalë nuk ka pasur asnjë leje për të importuar insulina në Republikën e Kosovës.
Bëhet fjalë për një shkresë “Statement” të kompanisë “Pharma Trejd” në Maqedoni të Veriut e cila është përfaqësuese e prodhuesit të insulinave në SHBA “Eli Lilly”. Në këtë shkresë kompania maqedonase i jep leje ose autorizim kompanisë nga Kosova “Pharma Leader” që të ofertojë në tenderin për insulina, si dhe zotohet se do të bëj furnizimin sipas kontratës.
Por sipas Vitisë dhe Bardiqit kjo shkresë nuk është valide pasi kompania “Pharma Trejd” ka deklaruar në një korrespodencë me MSH-në se asnjëherë nuk ka lëshuar dokument të tillë si dhe për këtë dokument nuk është në dijeni as kompania “Eli Lilly”.
“Dje, me dt. 12 jemi njoftuar zyrtarisht se asnjëherë kompania “Pharma Leader” nuk ka pasur asnjë leje apo marrëveshje për të importuar insulina në Kosovë. As nga prodhuesi amerikan “Eli Lilly”, as nga kompania në Maqedoninë e Veriut.Në dokumentin e muajit maj, të vitit 2023, operatori ekonomik e ka ofruar një dëshmi (statment) nga “Pharma Trade”, në gjuhën angleze. Me qëllim të konfirmimit të rregullsisë së dëshmisë, Ministria e Shëndetësisë ka kontaktuar përmes shkresave elektronike me “Farma Trade” me seli në Maqedoninë e Veriut. Nga ana e Zv/Drejtorit Gjeneral të “Fharma Trade” kemi pranuar përgjigjen përmes postës elektronike, me shkrim, se dëshmia e ofruar nga “Pharma Leader” nuk është valide dhe se ata nuk kanë ofruar një dëshmi të tillë”, ka deklaruar ministri Vitia.
Kërkesën për të iniciuar këtë konfirmim të dokumentit MSH e kishte marr nga kompania tjetër ofertuese në këtë tender. Kërkesa për konfirmim është bërë nga zyra e Prokurimit të MSH-së.
“Në pyetjen tonë nëse prodhuesi “Eli Lilly and Company” është në dijeni për përmbajtjen e kësaj shkrese/dëshmie të ofruar nga “Pharma Leader”, përgjigjja është se as prodhuesi nuk është në dijeni të ekzistimit të një shkrese të tillë që kompania e ka prezantuar si dëshmi në Ministrinë e Shëndetësisë. Pra, bazuar në këtë korrespodencë të verifikimit të dëshmive të prezantuara, operatori ekonomik “Pharma Leader”, dyshohet se ka ofruar dokument të falsifikuar gjë që konsiderohet vepër penale”, ka deklaruar sot Vitia.
Tutje ministri ka treguar edhe nenin e Kodit Penal sesa është e dënueshme kjo vepër.
Sipas Vitisë ky dokument që dyshohet të jetë i falsifikuar tregon edhe arsyet pse kompania “Pharma Leader” nuk kishte aplikuar asnjëherë për të marr Autorizim Marketingun për produktin e tyre.
“Pyetja që shtrohet këtu është se nga do t’i merrnin insulinat kur nuk kanë pasur leje për t’i marrë ato amerikane? Produkte fallco? Kontrabantë apo çfarë? Kjo duhet kuptuar dhe sqaruar sa më parë. Sot, në mëngjes, këto prova menjëherë i kemi proceduar tek organet kompetente për hetime të mëtutjeshme. Një kopje e shkresës është dorëzuar edhe fizikisht në Policinë e Kosovës. Që të gjitha shkresat elektronike tashmë i kanë organet e sigurisë, si prova ky dyshohet për vepër penale siç është falsifikimi i dokumentit me qëllim të përfitimeve të jashtëligjshme. Por, jo vetëm kaq. Potenciali i dëmtimit të shëndetit publik dhe shumë probleme të tjera të shkakuara gjatë kësaj periudhe”, ka deklaruar Vitia në konferencën për media.
Edhe Sekretari Bardiqi ka treguar kronologjinë e këtij rasti. Ai ka bërë të ditur se kërkesa për të konfirmuar këtë shkresë ishte dorëzuar dje në kompaninë Maqedonase, ndërsa përgjigjen e kishin marr brenda ditës pas orës 18:00.
Gazeta ka kërkuar sqarime edhe nga kompania “Pharma Leader” por deri në këto momente nga ky operator nuk janë përgjigjur për pretendimet e MSH-së.
Tenderi për insulina është iniciuar në fund të vitit 2020. Procedura është zgjatur pasi kompania “Pharma Leader” nuk kishte Autorizim Marketing për insulinat që i kishte ofertuar, dhe MSH nuk ka pranuar t’ia jap tenderin të njëjtës. Kjo kompani disa herë është ankuar në Organin Shqyrtues të Prokurimit Publik, institucion ky i cili e kishte kthyer lëndën në rivlerësim.
Dy krerët e MSH-së Vitia dhe Bardiqi ishin zotuar se nuk do ta nënshkruajnë kontratën me këtë kompani e cila nuk kishte AM. Rasti ka përfunduar edhe në gjykata.
MSH para disa ditësh ka marr vendimin e fundit për anulimin e tenderit. Vendimi është pezulluar deri në përfundimin e afatit për ankesa. Në këtë tender ofertuesi “Meditech” ka ofruar insulinat me Autorizim Marketing./ gazetashneta/
Të tjera
-
Policia ka një apel për shoferët
Policia e Kosovës ka publikuar një video në llogarinë zyrtare në Facebook, me...
-
Gjykata e Durrësit e liron Noizyn nga paraburgimi
Noizy është liruar nga paraburgimi. Vendimi është marrë pak më parë nga Gj...
-
Afër dy milionë euro u investuan në objektin e ri të Gjykatës Themelore në Gjakovë
Afër dy milionë euro janë investuar në objektin e ri të Gjykatës Themelore në...
-
“EasyJet” për pak sa nuk përplaset me një automjet në aeroportin e Prishtinës
Një aeroplan “Airbus A320” i kompanisë “Easyjet” i ka shpëtuar për pak një pë...
-
Rënie në sondazhe për Donald Trump, kandidati republikan ndryshon qasje ndaj rivales Kamala Harris
Në tubimin e fundit elektoral, Donald Trump u shfaq më i tërhequr nga sulmet ...
-
Shtetasi i Kosovës shkakton aksident të rëndë në Kroaci, një i vdẹkur e 6 të lënduar
Dje rreth orës 05:50 në qytetin Soline në jug të Kroacisë ka ndodhur një aksi...
-
Avokati serb: Vuçiqit nuk i nevojiten provat nga Kosova kundër Radoiçiqit, ai po blen kohë
Rasti i Milan Radoçiqit u aktualizua sërish pasi Serbia kohëve të fundit kërk...
-
Përfundon e pamja, emocionon nëna e Faton Hajrizit: Dhimbja s’paska fund djali jem…
Shehrije Mustafa ka njoftuar se e pamja për Faton Hajrizin tashmë është mbyll...
-
KQZ shpërndan broshura informuese për votimin jashtë Kosovës
Komisioni Qendror Zgjedhor prej disa javësh ka filluar me kampanjë informuese...
-
Pritjet mbi 3 orë për të dalë nga Kosova, kolona deri dy kilometra
Pritjet po vazhdojnë të jenë të gjata për të dalë nga Kosova. Në pikën kuf...
-
Avokati serb: Barrikadat në Urën e Ibrit shërbejnë për manipulimin e serbëve në veri
Avokati serb, Cedomir Stojkoviq ka deklaruar se barrikadat në Urën e Ibrit po...
-
PAMJE – Fëmijë shqiptarë e serbë në rolin e policit ndalin veturat në afërsi të urës së Ibrit në veri të Mitrovicës
Fëmijë shqiptarë, serbë e boshnjak kanë marrë rolin e policit mëngjesin e së ...