Lajme

Publikohet analiza për zbatimin e rekomandimeve të ZKA-së për 12 komuna

Autori: Gazeta inFokus 07:25 | 22 October 2024

Instituti Demokratik i Kosovës (KDI) sot mban konferencën në të cilën do të publikohet analiza gjithëpërfshirëse mbi përsëritjen dhe nivelin e ulët të zbatimit të rekomandimeve të dalura nga raportet e Zyrës Kombëtare të Auditimit (ZKA) për 12 komuna të Kosovës.

Analiza e hartuar së bashku me Aleancën Qytetare të Transparencës AQT përfshinë komunat: Ferizaj, Graçanicë, Gjakovë, Kaçanik, Kamenicë, Lipjan, Mitrovicë, Pejë, Prishtinë, Podujevë, Rahovec, Skenderaj.

Analiza gjithpërfshirëse ofron një pasqyrë të performancës së komunave bazuar në opinionet e përgjithshme të ZKA-së, llojin e gjetjeve dhe nivelin e zbatueshmërisë së rekomandimeve. Po ashtu, në këtë analizë janë bërë edhe krahasimet në mes të viteve 2022 dhe 2023, si dhe synohet të paraqiten shkaqet dhe rrethanat që po shpiejnë në përsëritjen e gjetjeve të auditorit për komuinat nga viti në vit.

-Advertisement-

Panelistë në këtë diskutim do të jenë: Vlora Spanca, Auditore e Përgjithshme e Republikës së Kosovës, Smajl Latifi, kryetar i Komunës së Rahovecit, Kadri Rahimaj, kryetar i Komunës së Kamenicës, Mirlinda Tishukaj Sadiku, anëtare e Komisionit Parlamentar për Mbikëqyrje të Financave Publike në Kuvendin e Kosovës dhe Hajdar Beqa, anëtar i Komisionit Parlamentar për Mbikëqyrje të Financave Publike në Kuvendin e Kosovës.

Subscribe në YouTube: GAZETA INFOKUSI
Nis bashkëpunimi serioz dhe strategjik midis Comodita dhe JYSK International
-Advertisement-

Të tjera

Fokusi

lajme