Lajme

Publikohen pamje brenda takimit të Kurtit me liderët opozitarë

Autori: Gazeta inFokus 10:11 | 08 November 2022

Kryeministri Albin Kurti, ditën e sotme ka nisur në takim me liderët e tri partive opozitare.Në takim ishte edhe ministri i Brendshëm Xhelal Sveçla.

Me të nis takimi, kreu i AAK-së Ramush Haradinaj ka lëshuar takimin, pasi siç ka thënë, Kurti nuk ka treguar pse i ka prishur mardhëniet me Amerikën.

“Edhe pse isha pjesë e takimit me kryeministrin Kurti, u detyrova ta lëshoj takimin, sepse Kurti mbante ligjërata e nuk na sqaronte se përse ka prishur raportet me Amerikën dhe përse nuk po kthehej që të realizojë kërkesën e tyre”, shkroi Haradinaj në një status në Facebook.

-Advertisement-

Ndërsa pas takimit, ka folur edhe kryetari i PDK-së, Memli Krasniqi, ai është shprehur se nuk është i sigurt nëse Kurti dhe Qeveria po e dinë se në çfarë rruge po shkojnë për të ruajtur integritetin e Kosovës.Po ashtu edhe kryetari i LDK-së, Lumir Abdixhiku, ka kërkuar koordinim urgjent me ShBA-në, ndërsa tha se Kurti s’ka plan për veriun.