Sport

“PSG do t’i ndihmojë Neymarit ta fitojë Topin e Artë”

Autori: Gazeta inFokus 12:40 | 05 December 2017

Ish-trajneri i Francës, Raymond Domenech, beson se Neymar ka kaluar në Paris Saint-Germain për t’u bërë lojtari më i mirë në botë, duke shtuar se gjithçka është përgatitur për ta arritur këtë synim.

Neymar iu bashkua PSG-së nga Barcelona verën e kaluar për një shumë absolutisht rekordeshe në vlerë 222 milionë euro, transmeton Express.

Ndërkohë, PSG-ja ka treguar formë mbresëlënëse në Ligë të Kampionëve dhe Ligë 1, pasi po ashtu e bleu Kylian Mbappen nga Monaco. Domenech mendon se Neymar nuk ka pse ta kthejë kokën dhe të shikojë kah Barcelona.

-Advertisement-

“E pashë ndeshjen e tij të parë ndaj Guingamp. Ishte fantastike. Çdo gjë ishte e përkryer, Neymar bën gjen e duhur çdo moment. Ai mund ta ndryshojë lojën; mund ta ndryshojë PSG-në. Edhe PSG duket një forcë tani. Neymar mund të jetë njëri ndër më të mirët në Evropë, pa dyshim. Kjo skuadër është për të dhe do t’i ndihmojë ta fitojë Topin e Artë”, ka thënë Domenech për Goal.com

Subscribe në YouTube: GAZETA INFOKUSI