Sport

PSG sërish “pazar” te Barcelona, gati oferta për talentin 20-vjeçar

Autori: Gazeta inFokus 10:07 | 08 Gusht 2023

Pas transferimit të Ousmane Dembele, PSG duket se është gati për t’i rrëmbyer një tjetër “xhevahir” Barcelonës. Mediat spanjolle raportojnë se trajneri Luis Enrique u ka kërkuar drejtuesve që t’i dërgojnë në Paris edhe Ansu Fati-n. 20-vjeçari preferohet nga tekniku i PSG-së, i cili ka punuar me të në kohën kur ishte trajner i Spanjës dhe i di mirë cilësitë e Fati-t.

PSG është në një moment delikat e duket se dita ditës po ndërton një projekt pa Kylian Mbappe, i cili është i distancuar nga skuadra, teksa nuk është bashkuar me ekipin, përfundoi faza përgatitore. Drejtuesit janë stoik dhe duan që Mbappe ose të rinovojë një kontratë të re, ose nuk do tw jetë në planet e klubit për edicionin e ri.

Lëvizjet e fundit, janë një mesazh i qartë se tani Mbappe nuk ka më pushtetin e mëparshëm e duhet të mendohet mirë për veprimet e tij. PSG ka arritur marrëveshjen për transferimin e Ousmane Dembele, megjithatë gjithçka ka mbetur pa u mbyllur për çështje dokumentacioni, ndërkohë që me një ofertë të mirë financiare mund të rrëmbejë dhe Ansi Fati, me PSG që do i bënte një tjetër “dhuratë” Enriques, i cili ka marrë përsipër misionin Champions, ëndrrën e madhe në sirtar të kampionëve të Francës.

-Advertisement-