Sport

PSG i vendosur, Mbappe në qendër të projektit, Neymar në merkato

Autori: Gazeta inFokus 11:07 | 10 December 2019

Neymar dhe PSG janë “të dënuar” ta kuptojnë njëri-tjetrin deri në fund të sezonit. Pasi të mbyllet kampionati atëherë palët do të studiojnë përsëri mundësinë e një “divorci”, që nuk u konsumua këtë verë, sepse oferta që mbërriti nga Barcelona u konsiderua më pak se e pamjaftueshme.

Por pozicionet mbeten të njëjta: lojtari do të kërkojë me ngulm largimin verës së ardhshme dhe klubi, do të dëgjojë ofertat që mbërrijnë.

Emiri i Katarit, Al Khelaifi, kërkoi 300 milionë euro për të lejuar largimin e tij, një shifër shumë me e lartë se ajo që mund të ofrojë Barcelona apo skuadrat e tjera të interesuara për brazilianin.

-Advertisement-

Sidoqoftë, klubi që dëshiron “yllin” e “Seleçaos” mund të përgatisë rreth 180 milion euro nëse dëshiron të marrë 27-vjeçarin dhe të gjitha indiciet të drejtojnë te Barcelona. PSG ka mban një qëndrim me Neymarin shumë të ndryshëm nga Mbappé.

Nuk ka ndërmend të lejojë largimin e të dyve dhe hapat që janë ndërmarrë deri më tani të bëjnë të kuptosh se lamtumira i përket brazilianit.

Kylian Mbappé është lojtari më i lakmuar në Evropë. Të gjitha të mëdhatë, përfshirë Real Madridin, janë në pritje të lëvizjes së “yllit” të ri të futbollit, me një kontratë në fuqi deri në vitin 2022, por pa i dhënë shenja klubit parisien se ai do të rinovojë atë.

Sigurisht që gjatë muajve të ardhshëm PSG do ta ketë gjetur formulën për ta bindur kampionin e botës së të hedhë të zezën mbi të bardhë për zgjatjen e bashkëpunimit.

Subscribe në YouTube: GAZETA INFOKUSI
Etiketa:
Meridian Express hap marketin e ri në qytetin e Mitrovicës Veriore!
-Advertisement-

Të tjera

Fokusi

sport