Kryetari i Prishtinës, Përparim Rama, ka treguar se “pse po i mbyll” rrugët nëpër kryeqytet.

Ai në Frontal të T7 shpalosi idenë e tij për të krijuar, siç tha ai, arterien që i lidh qytetarët e kryeqytetit dhe i liron hapësirat për lëvizjen e qytetarëve.

“Pyetja tjetër ishte pse po i mbyll rrugët. Ideja e hapjes së rrugës, p.sh në qendër të kryeqytetit ne kemi me miliona metër katrorë që janë duke u ndërtuar në lagjen e Muhaxherëve, Tophane, pra në pjesë të ndryshme të kryeqytetit janë duke u ndërtuar. Një fluks i madh i metrave katrorë, pra ka me pasë ende nevojë për lëvizje të mirë, të lirë. Me kësi problematika janë marrë shumë qytete tjera në për Europë dhe botë shumë më përpara se ne. Mënyra për të krijuar një hapësirë të lirë e të sigurt në qendër të qytetit sepse tendencat e secilës makinë që vjen prej kudo në Prishtinë është që të vozisë në qendër të qytetit. Për fat të keq ne kemi hapësirën e limituar në kryeqytet. Pra, ose duhet të fokusohemi në lirimin e hapësirave për qytetarët tonë, për një siguri shtesë për fëmijët tonë, për këmbësoret, për prindërit, për të moshuarit ose t të fokusohemi me i lënë krejt parkingje për makina dhe kemi një bllokadë totale. Për këtë arsye neve na duhet një arterie e madhe, e lirë dhe e sigurt, arterie të cilën jemi duke e zhvilluar”.

Rama tha se bulevardi parashikohet të jetë i gjatë 2.6 km dhe se do të përfundojë te “Rrethi i Flamurit”.

“Sheshi “Nëna Terezë”, vazhdimësia e saj në sheshin “Xhorxh Bush”, pas saj sheshi vazhdon deri te posta e më pas deri tek Flamuri. Ky është një bulevard 2.6 km, i cili i lidh rreth 75% të qytetarëve. Lagjen “Prishtina e Re”, “Kalabria”, “Ulpiana”, “Dardania”, qendra dhe “Bregu i Diellit” përmes Universitet të Prishtinës”, “Prishtina e Vjetër”, “Tophanja” deri te Tregu i Gjelbër dhe nëpërmjet saj lidhet edhe “Kolovica” e deri te “Kodra e Trimave”. E gjithë Prishtina lidhet me këtë arterien kyce të kryeqytetit, që e jep një element të lirë që mundesh me ecë prej njërës anë në tjetrën për 25-30 minuta. Ofron një alternativë fantastike për kryeqytet, duke pasë parasysh që paralelisht me këtë jemi duke përfunduar unazën e brenddshme, e cila e lejon lëvizjen e makinave nëpër të,  po ashtu projektet për parkingje nëntokësore”, tha ai.

Kryetari i kryeqytetit kishte thënë se këto projekte do të përfundojnë më shpejt para se të merrte mandantin, por thotë se pengesa u krijua për shkak të mosaprovimit të parave nga Ministria e Financave.

“Ne kur e kemi filluar qeverisjen, e kemi filluar me një buxhet të qeverisjes së kaluar. Vitin e kaluar kemi kërkuar 7 mln për të bërë ridefinim të buxhetit për 14 projekte kyçe të kryeqytetit dhe s’është aprovuar. Është dashur të aprovohet prej MF në mënyrë që neve të na lejojë të fillojë projektimi i këtyre projekteve. Një vit aty ka shkaur për shkak të kësaj. Tash jemi duke i bërë projektet dhe i kemi buxhetuar për vitin e ardhshëm. Kjo duhet të projektohet të tenderohet dhe të zbatohet.

Edhe një storie suksesi – PRINCE CAFFE lidh marrëveshje bashkëpunimi me kompaninë më të madhe në Kroaci të shitjes me…

Sponsoruar