Lifestyle

Pse çiftet qëndrojnë të martuar edhe pse nuk janë të dashuruar

Autori: Gazeta inFokus 16:26 | 27 Prill 2018

Një anketim i kryer nga Universiteti Minho në Portugali, i cili ka përfshirë pothuajse 1,000 persona, ka zbuluar se përse çiftet qëndrojnë në lidhje edhe pse nuk ndihen të lumtur.

Fillimisht vlen të ceket se rezultatet studimit të publikuar në revistën ‘Curreng Psychology’ e kanë konfirmuar se vërtetë që shumë çifte qëndrojnë të martuar edhe pse nuk e dashurojnë njëri-tjetrin më, transmeton Telegrafi.

Pjesëmarrësit e studimit ishin ndarë në grupe, ndërkaq detyra e tyre kishte qenë ta imagjinonin veten në një martesë 10-vjeçare pa dashuri.

-Advertisement-

A do të qëndronin bashkë apo do të shkurorëzoheshin? Secili grup kishte deklaruar diçka ndryshe!

Njëri grup kishte thënë se nuk do të kishin qëndruar në lidhje për më shumë se një vit pa dashuri.

Tjetri grup, si arsye për të qëndruar në një martesë të keqe kishte thënë se janë shtëpia e blerë së bashku dhe problemet financiare.

Ndërkaq grupi i fundit – pra grupi i tretë – kishte thënë se do të investonin shumë për ta shpëtuar martesën, edhe nëse nuk ka mjaftueshëm dashuri për njëri-tjetrin.

Rezultatet kështu treguan se 35% e personave do të kishin qëndruar të martuar për shkak të financave apo përpjekjeve për ta bërë lidhjen të funksionojë, dhe 25 për qind do të ishin ndarë pas një viti.

Sipas autorëve të studimit, rezultatet tregojnë se personat mbesin të martuar në mënyrë që pasuria dhe përpjekjet e tyre për një lidhje më të mirë mos të shkojnë huq, dhe se këto dy gjëra kanë vlerë më të madhe sesa dashuria e lumturia.