Lajme

Protesta në Serbi, mbështetësit e Vuçiç përplasin me makinë studentët

Autori: Gazeta inFokus 20:13 | 13 December 2024

Duket se pakënaqësitë ndaj Presidentit të Serbisë, Aleksandër Vuçiç, janë rritur gjatë kohëve të fundit.

Sipas mediave vendase, studentët po vazhdojnë edhe sot protestat në Novi Sad duke shprehur pakënaqësitë e tyre me presidentin serb, Aleksandar Vuçiç.

Studentët kanë mbajtur heshtje në shenjë nderimi për viktimat e Stacionit Hekurudhor në Novi Sad. Por në vijim ka ndodhur një ngjarje e rëndë, ku një automjet ka përplasur disa studentë teksa protestonin.

-Advertisement-

Ngjarja ka ndodhur gjatë aksionit “Stop, Serbi”, në afërsi të tregut të Futoshkës. Pamjet i ka publikuar edhe nënkryetarja e partisë opozitare, “Liri dhe Drejtësi”, Marinika Tepiç, duke bërë të ditur identitetin e personit që drejtonte automjetin.

“Milan Todoroviç nga Novi Sadi është pronar i kësaj Porsche”, ka shkruar Tepiç në platformën e mediave sociale ‘X’.

Po ashtu disa prej protestuesve shihen duke u rrahur prej mbështetësve të Presidentit Vuçiç.

Subscribe në YouTube: GAZETA INFOKUSI
UFC EKSKLUZIVISHT NË ARTMOTION!
-Advertisement-

Të tjera

Fokusi

lajme