Lajme

Prostitucioni po ‘lulëzon’ në Kosovë

Autori: Gazeta inFokus 17:42 | 30 May 2018

Ndalimi i 183 femrave për prostitucion ngrit dyshimet se në Kosovë po lulëzon ky ‘profesion’.

Kështu së paku del sipas të dhënave të Policisë së Kosovës dërguar GazetësFokus.

Në vetëm periudhën janar-mars 2018 janë arrestuar 28 persona për veprën kundërvajtëse ‘Marrje me Prostitucion’.

-Advertisement-

E 2017-ta prin në pesë vitet e fundit me arrestime për këtë vepër. Sipas Policisë së Kosovës u arrestuan 75 persona.

Numër më i vogël i arrestimeve u raportua në vitet 2013-2016.

‘Në pesë (5) vitet e fundit për veprën kundërvajtëse Marrje me Prostitucion janë të arrestuar gjithsej 288 persona të dyshuar të ndarë sipas viteve: 2013-22, 2014-42, 2015-69, 2016-52, 2017-75 dhe 2018-28.’, thuhet në përgjigjen e PK dërguar GazetësFokus.

E pjesa më e madhe e të arrestuarve janë kosovarë por në mesin e tyre janë edhe qytetar nga Shqipëria.

Kohëve të fundit kjo vepër kundërvajtëse ka ndryshuar vendndodhjen . Ajo nuk po ushtrohen më ne lokale e bare por ne ‘sallone të masazheve’.

Policia e Kosovës ka njoftuar gjithashtu se në këto sallone vetëm gjatë muajve të parë janë arrestuar 28 persona të dyshuar për prostitucion, marrje me prostitucion dhe trafikim me njerëz.

Aksion i Policisë në lokale

E aksionet e tilla Policia e Kosovës ka vazhduar edhe ditëve të fundit. në kuadër të aksionit ’Maji 2018’ ka kontrolluar njëzet e tetë bare dhe lokale në tërë territorin e Kosovës, shkruan GazetaFokus.

Gjatë këtij aksioni janë mbyllur 7 lokale dhe u janë konfiskuar dokumentet 183 femrave në mungesë të lejes së punës.

Sipas Policisë së Kosovës në mesin e 183 femrave, 122 shtetase janë Shqipërisë, 56 shtetase të Kosovës, 2 shtetase të Serbisë, dy shtetase të Maqedonisë dhe 1 shtetase Bullgare.

Gjithashtu janë gjetur dhe konfiskuar një revole me 8 copë fishek, një thikë, një shufër metali dhe gjësende tjera relevante. GazetaFokus.

Subscribe në YouTube: GAZETA INFOKUSI