Lajme

Propozimi i BE-së pa njohje të ndërsjellë mes Kosovës e Serbisë

Autori: Gazeta inFokus 20:31 | 12 December 2022

Pa njohje të ndërsjellë mes Kosovës e Serbisë, po raportohet të jetë propozimi i njohur si franko-gjerman, për normalizimin e marrëdhënieve mes dy shteteve.

Radio Evropa e Lirë, një ditë më parë ka bërë publike disa nga pikat që pretendohet, të ketë ky propozim, që tashmë ka shkuar në duar të të dyja palëve. Sipas këtij mediumi, në këtë propozim flitet për “të drejta të barabarta Kosovës dhe Serbisë, respektim i integritetit territorial, paprekshmëri e kufijve, njohje e simboleve shtetërore dhe një aranzhim i veçantë për komunitetin serb në Kosovë janë elementet kyçe”.

Sipas këtij dokumenti, nga Serbia kërkohet që të mos e pengojë anëtarësimin e Kosovës në organizatat ndërkombëtare, dhe nënvizohet se “nëse palët pajtohen me të, ato do të jenë të vetëdijshme se moscenimi i kufijve, respektimi i integritetit territorial dhe sovranitetit, si dhe mbrojtja e pakicave janë kushtet bazë për paqe”.

-Advertisement-

Të gjitha mospajtimet, sipas këtij propozimi, Kosova dhe Serbia do t’i zgjidhnin me mjete paqësore, duke u përmbajtur nga kërcënimet apo përdorimi i forcës.

Por, ky dokument që synon të zgjidh problemin mes Kosovës dhe Serbisë, nuk përmendet në mënyrë të drejtpërdrejtë krijimin e Asociacionit të komunave me shumicë serbe në Kosovë, por vë theksin mbi zbatimin e të gjitha obligimeve që kanë marrë palët, deri më tash, në dialogun e tyre për normalizimin e marrëdhënieve”.

Sipas analistëve, ky propozim nuk duket shumë premtues pasi sipas tyre Kosovës nuk i garantohet njohja nga Serbia.

“Tash nuk e kemi njohjen në qendër edhe në dokumentin e ri, thuhet që nuk ka njohje eksplicite por vetëm në formë implicite”, ka theksuar Dritëro Arifi – Profesor.

Sipas Arifit, ky plan edhe pse nuk dihet kur do të realizohet do të mund të implementohet.

“Është vështirë të parashikohet se sa do të realizohet edhe si do të realizohet edhe pse në fund aty është parë një mekanizëm që do të krijohet për mbi këqyrjen e zbatimit të kësaj marrëveshje”, ka deklaruar, Dritëro Arifi – Profesor

Një ditë më parë, kryeministri i Kosovës shprehi gatishmërinë për të pranuar një plan të tillë, derisa tha se Serbia po kërkon plan të Kinës e Rusisë, për të përshkallëzuar situatën e sigurisë në rajon./RTV Dukagjini

Subscribe në YouTube: GAZETA INFOKUSI
Oferta speciale deri në 70% dhe ekstra zbritje në dyshekët Comodita
-Advertisement-

Të tjera

Fokusi

lajme