Lajme

Prokurori: Nuk e gjykojmë UÇK-në, vetëm katër të akuzuarit

Autori: Gazeta inFokus 10:58 | 03 April 2023

Ndonëse në aktakuzën kanë frazimin si “ndërmarrje e përbashkët kriminale”, prokurori special në Gjykatën Speciale thotë se procesi i nisur gjyqësor nuk e procedon Ushtrinë Çlirimtare të Kosovës si tërësi por vetëm katër ish-Krerët të saj: Hashim Thaçin, Kadri Veseli, Jakup Krasniqi dhe Rexhep Selimin.

“Nuk procedojmë UÇK-në, dhe nuk i akuzojmë të gjithë anëtarët e saj, nuk është e vërtetë. Akuzat ngrihen kundër katër vetëve për krime lufte dhe krime kundër njerëzimit. Shumica e anëtarëve të UÇK-se nuk kishin të bënin fare me këto. Kjo çështje gjyqësore ka të bëjë vetëm me ato që kanë bërë këta katër”, ka thënë Aleks Uaiting, Ushtruesi i Detyrës i Prokurorit të Specializuar.

“Së pari po bëj përmbledhje të provave të pushtetit që ata ushtronin në 1998-1999, pastaj përvijojmë qëllimin e përbashkët kriminal, pastaj praktikën e krimeve sipas qëllimit të përbashkët kriminal. Në përfundim bëjmë përmbledhjen duke u fokusuar te të katër të akuzuarit”, ka thënë ai.

-Advertisement-

“Kjo çështje gjyqësore ka të bëjë me sundimin e ligjit në kohë të luftës. Për këtë jemi këtu sot. Në kohë lufte rreziku dhe intensitetet i konfliktit mund të beje që përdorimi i mjeteve të paligjshme. Për këtë arsye kemi ligjet e luftës, për të frenuar instinktet më të këqija që dalin në sipërfaqe në kohë lufte”, vazhdoi ai, përcjell Insajderi.

Rexhep Selimi: Jam i pafajshëm në të gjitha pikat e aktakuzës.

Selimi: Jam i pafajshëm në të gjitha pikat e aktakuzës

Kadri Veseli: Jam tërësisht i pafajshëm.

Veseli deklarohet sërish i pafajshëm, shpreh pakënaqësinë për vonesën dy vjet e gjysmë të fillimit të gjykimit

Jakup Krasniqi: E kam të vështirë ta kuptoj akuzën dhe mënyrën se si është përpiluar kjo aktakuzë. Nuk kam asnjë lidhje me asnjërën nga pikat që i lexoi prokurorja. Akuzën e kuptoj, por nuk pajtohem me të, pasi nuk mbaj asnjë përgjegjësi për të cilën përmbahet në aktakuzë. Tërësisht jam i pafajshëm.

Jakup Krasniqi nga Specialja: Akuzën e kuptoj, jam tërësisht i pafajshëm!

Thaçi: E kuptoj akuzën dhe jam i pafajshëm.

Thaçi: Unë e kuptoj aktakuzën dhe nuk jam fajtor

Zyrtarisht ka nisur procesi gjyqësor ndaj ish-Krerëve të Ushtrisë Çlirimtare të Kosovës në Gjykatën Speciale në Hagë.

Subscribe në YouTube: GAZETA INFOKUSI