Projektligji i ri: ‘Prag’ për bankat që investojnë jashtë vendit, kërkohet që rreziku i investimit të mbulohet 100%
Autori: Gazeta inFokus 11:20 | 07 August 2024
Nëse Projektiligji i ri për bankat që operojnë në Kosovë kalon në lexim të dytë në Kuvendin e Kosovës pa ndryshime esenciale në shtator, atëherë bankat komerciale nuk do të mund të investojnë më jashtë vendit më shumë sesa kapitali i tyre – një praktikë kjo e deritanishme që rrezikonte depozitat e kosovarëve.
Buletini Ekonomik
Projektligji i ri për bankat i cili ka kaluar në lexim të parë në Kuvendin e Kosovës, parasheh një ndryshim rrënjësor sa i përket depozitave që bankat komerciale i investojnë në letra me vlerë dhe instrumente financiare jashtë vendit.
Atyre u është vendosur një prag përmes të cilit kërkohet që të mbulohet 100 për qind rreziku i investimit të depozitave në instrumente financiare jashtë Kosovës.
“Shuma e përgjithshme e investimeve për llogari të bankës në instrumente financiare si letra me vlerë, fonde investive, depozita që fitojnë interes ose të ngjashme, e që rregullohen nga një juridiksion tjetër prej atij të Republikës së Kosovës, nuk mund të jetë më e lartë se njëqind përqind (100%) e kapitalit të klasës së parë”, saktësohet në nenin 24 të Projektligjit të ri për bankat.
Deri më tani, Banka Qendrore e Kosovës (BQK) ka pasur një mbikëqyrje të zbehtë në raport me këto investime.
Si pasojë, investimet e depozitave jashtë vendit e kanë tejkaluar kapitalin e klasit të parë i cili është garanci se në rast të humbjes së investimit, depozitat e qytetarëve nuk do të rrezikohen.
Investimet – 400 milionë më shumë sesa kapitali
Sipas raporteve të Bankës Qendrore të Kosovës, në vitin 2023, investimet e bankave komerciale jashtë vendit arrijnë vlerën e 1.26 miliard eurove, derisa kapitali i bankave komerciale ishte 863.0 milionë euro.
Me projektligjin e ri, bankat mund të investojnë jashtë vendit vetëm aq sa e kanë kapitalin e klasit të parë i cili mbulon 100 për qind rrezikun nëse investimet humbasin.
Në hyn në fuqi ky projektligj, atëherë bankave u duhet t’i kthejnë në Kosovë së paku 400 milionë euro, të cilat aktualisht nuk kanë mbulueshmëri në raport me kapitalin e klasit të parë që është 863 milionë euro.
Kapitali i klasit të parë është kapitali i aksionarit, plus fitimet. Çdo investim që bëjnë bankat jashtë vendit, më shumë sesa kapitali i klasit të parë, do të binte në kundërshtim me këtë dispozitë.
Buletini Ekonomik nga burime të sigurta mëson se përfaqësuesit e bankave komerciale në Kosovë nuk e kanë pranuar me lehtësi këtë ndryshim dhe se po lobojnë që kjo dispozitë të ndryshojë deri në leximin e dytë në Kuvend.
Në Shoqatën e Bankave, deri në momentin e publikimit të këtij shkrimi, nuk janë përgjigjur në pyetjet e mediumit se si i kanë parë këto ndryshime të politikave që prekin sistemin bankar.
Aktualisht, Projektligji është në fazën e amandamentimit në Komisionin për Buxhet dhe Transfere dhe pritet të dalë për votim në seancë gjatë muajit shtator, kur edhe nis sesioni vjeshtor i punës së Kuvendit të Kosovës. /Buletini Ekonomik/
Të tjera
-
Moti për nesër: Reshje të dendura shiu, mund të shkaktojnë probleme apo përmbytje
Nesër në Kosovë pritet të kemi mot plotësisht të vranët dhe me rrebeshe e res...
-
Apple prezanton serinë e re të smartfonëve
Firma globale e teknologjisë me bazë në SHBA, Apple, prezantoi sot serinë e s...
-
Ish-deputeti i Vetëndosjes: Me Kurtin mbaron tranzicioni politik, e votuan veç me i çu tjerët n’shpi
Ish-deputeti i Lëvizjes Vetëvendosje, Fatmir Humolli, tha në Pressing në T7 s...
-
Gashi: Qeveria Kurti me afera të jashtëzakonshme korruptive
Shefi i grupi parlamentar të Lidhjes Demokratike të Kosovës Arben Gashi ka pa...
-
Debati i nesërm Harris-Trump, dhjetëra miliona amerikanë pritet ta ndjekin
Debati mes Nënpresidentes demokrate Kamala Harris dhe ish-Presidentit republi...
-
Ymeri: Osmani e Kurti s’mund ta durojnë mendimin ndryshe, të dy janë grindavecë
Njohësi i çështjeve politike, Visar Ymeri, ka thënë se presidentja Vjosa Osma...
-
“Shkëqyen”,- Pasi gaboi detyrën, merrë teposhtëzën Kurti- Shkëlqen me gabime
Kryeministri Albin Kurti, para disa ditëve ka kërkuar falje publikisht nxënës...
-
Deputetja e LDK-së: Është vonë që presidentja Osmani të distancohet nga Kurti
Rrezarta Krasniqi, deputete e Lidhjes Demokratike të Kosovës ka thënë se reag...
-
Baton Haxhiu: Vjosa e Bulliqi e glorifikuan figurën e Rugovës e të njëjtit e rrënuan trashëgiminë e tij
Gazetari Baton Haxhiu duke komentuar përurimin e shtatores së ish-presidentit...
-
Lushaku – Sadriu: Mësimi tërëditor po shkon shumë mirë, ka hapësirë më të madhe të realizohet kurrikula
Nënkryetarja e komunës së Prishtinës, Jehona Lushaku – Sadriu, ka thënë se më...
-
Rruga Deçan-Plavë, tuneli i Rozhajës, korridoret ajrore, Aliu njofton për bisedën me kryediplomatin e Malit të Zi
Ministri i Infrastrukturës, Liburn Aliu, është takuar me Ervin Ibrahimovic, z...
-
Bajqinovci i reagon Stanos: Qasje e pabarabartë e BE-së, asnjë masë ndaj Serbisë që bllokon kufijtë me banditë
Deputeti i Lëvizjes Vetëvendosje, Mefail Bajqinovci, ka reaguar ndaj zëdhënës...