Lajme

Projekt Kodi Civil para deputetëve, a do ta votojë LDK-ja? Zemaj: Pyeteni Mimoza Kusarin

Autori: Gazeta inFokus 12:34 | 27 September 2022

Deputeti i LDK-së, Armend Zemaj, mbrëmë në emisionin “DPT Fidani”, foli për projekt-kodin civil. Derisa u pyet se a do ta votojë partia e tij këtë projekt-kod, Zemaj nuk u përgjigj as me ‘po’ as me ‘jo’.

Kjo pyetje, Zemaj tha se duhet t’i bëhet shefes së grupit parlamentar të VV-së, Mimoza Kusari -Lila.

“Për këtë pyetje thirre Mimoza Kusari – Lilën edhe thuj “qysh ki me i siguru 67 deputetë t’tut, për me i pasë në sallë, me votu cdo ligj, jo vetëm këtë?”. Ky është kushti për me udhëheq ose me lëshu rrugë. Ose dojnë me punu ose nuk munden me punu me 67 deputetë, e mos pas kuorum në asnjë seancë plenare. Cdo seancë që mbahet e rregullt, e jashtëzakonshme, ndërpritet nga kryetari i kuvendit për shkak të kuorumit”, tha Zemaj.

-Advertisement-

Lidhur me projekt-kodin civil, në “DPT te Fidani”, më 12 shtator ka qenë e ftuar edhe Ksuari-Lila. Ajo njoftoi se ky projekt-kod do të shkojë në vjeshtë në kuvend.

“Projektkodi vjen sërish në vjeshtë, një dokument i rëndësishëm, i dyti pas kushtetutës në raport të rregullimit të jetës së qytetarëve prej lindjes deri në vdekje… Para tetorit nuk besoj që ka shansë teorike”, deklaroi Kusari – Lila.

Subscribe në YouTube: GAZETA INFOKUSI