Sport

Problemet shëndetësore, Sarri humb startin dhe përballjen me të shkuarën

Autori: Gazeta inFokus 09:46 | 23 August 2019

U ul në stolin e Juventusit në fillim të verës, por për të bërë debutimin zyrtar në kampionat, Maurizio Sarri do të duhet të presë mesin e shtatorit, në ndeshjen në “Artemio Franchi” përballë Fiorentinës.

Tekniku i ri i bardhezinjve po trajtohet nga një pneumoni, që e ka prekur në mesin e gushtit dhe sipas konfirmimeve nga klubi i Juventusit, nuk do të jetë në pankinë në dy ndeshjet e para, përballë Parmës të shtunën dhe përballë Napolit, fundjavën e 2 shtatorit.

Përveç startit të kampionatit Sarri do të humbë kështu edhe mundësinë për të drejtuar Juventusin përballë ish skuadrës së tij, Napolit, të cilën e drejtoi për 3 sezone me mjaft sukses dhe ishin rivalët kryesorë të bardhezinjve.

-Advertisement-

Ish trajneri i Chelseat vazhdon të kurohet në një klinikë në Torino, ndërsa edhe sot ka shkuar në qendrën stërvitore bardhezi vetëm për të koordinuar punën, pasi këshilla e mjekëve është që të mos sforcohet. Në vend të Sarrit, në pankinë do të ulet ndihmësi i tij Giovanni Martuscielo.

Subscribe në YouTube: GAZETA INFOKUSI
MYZHDE për krejt!

Të tjera