Fun & Video

Privilegj i rrallë, aeroplani fluturon me vetëm një pasagjere (Video)

Autori: Gazeta inFokus 10:13 | 26 October 2017

Një grua që pagoi vetëm 46 funte për një biletë aeroplani për në Kretë, ka rrëfyer për eksperiencën e saj të jashtëzakonshme, të të qenurit pasagjerja e vetme në bord.
Karon Grieve, nga Dunlop në Airshajër, e përshkroi fluturimin e saj nga Glasgou në ishullin grek, që normalisht mban 189 pasagjerë, si surreal.

Asaj iu ofrua trajtim VIP pasi dy pasagjerët e tjerë të vetëm që kishin rezervuar bileta në udhëtim, nuk ishin shfaqur në aeroport.

Kompania tha se nuk është e pazakontë që në fluturimin e fundit të sezonit të ketë më pak prenotime biletash se zakonisht.

-Advertisement-

Grieve, që udhëtonte drejt Kretës për të pushuar atje dhe për të shkruar një novelë, tha se kish qenë menjëherë e dukshme se pasagjerët mungonin kur ish paraqitur në aeroport për udhëtimin e saj.

Ajo rrëfeu se duke qenë se ishte e vetmja pasagjere, i gjithë ekuipazhi e dinte emrin e saj dhe madje edhe kapiteni i drejtohej në emër, transmeton tch.

“Kapiteni ishte fantastik, erdhi dhe u ul përkrah meje ndërsa ndihmësi bëri gjithë kontrollet e nevojshme para nisjes në fluturim. Sa herë që ai bënte një njoftim, thoshte: Karon, tani në krahun e majtë tëndin do të shohësh Kroacinë…më pas fluturuam përmes një stuhie plot me vetëtima dhe ai erdhi dhe u ul përkrah meje…dil në anën tjetër të avionit dhe do të shohësh diçka mahnitëse…gjithçka ishte sureale”, ka rrëfyer pasagjerja fatlume.