Lajme

Prishtinasit po tregohen egoist, sipas Krasniqit

Autori: Gazeta inFokus 21:35 | 02 March 2018

Profesori universitar, Milazim Krasniqi ka komentuar ndërprerjet e energjisë elektrike që kanë ndodhin ditëve të fundit në Kosovë, transmeton Infokusi.com

Ai përmes një postimi në ‘facebook’ ka shkruar se kjo që po ndodhë në Prishtinë është e zakonshme në Mitrovicë, Dragash e disa qytete të tjera prandaj edhe banorët e Prishtinës duhet ta ndjejnë nën lëkurën e tyre atë që e ndiejnë çdo natë banorët e qyteteve tjera.

Ai madje duke përfshirë edhe vetën ka thënë se është evident egoizmi në mesin e prishtinalive rreth kësaj dukurie.

-Advertisement-

Më poshtë mund të gjeni të plotë statusin e Krasniqit.

‘ Reagimet shumë nervoze të shumë njerëzve në Prishtinë për mungesën e rrymës sot, tregojnë dy gjera, e para se ne e kemi harruar gazepin e viteve të para pas çlirimit dhe e dyta, se egoizmi i ne prishtinalive është shumë evident. Pse? Sepse rryma në pjesë tjera të Kosovës, fjala vjen, në Mitrovicë e Dragash, ndalet rregullisht! Prandaj, nuk është keq ta ndiejmë edhe ne pak në lëkurën tonë, se si është kur të tjerëve u ndalet rryma pothuajse çdo natë!’.

Qytete të ndryshme të Kosovës duke përfshirë edhe kryeqytetit ka disa ditë që po përballen me reduktime të vazhdueshme të energjisë elektrike. Infokusi pak minuta më parë ka raportuar se kjo gjendje do të stabilizohet shumë shpejtë pasi ‘Blloku B 2” i gatshëm të kthehet në prodhim./INFOKUSI

Subscribe në YouTube: GAZETA INFOKUSI