“Prishtina qendër e kulturës, Drenica zonë me fshatarë”, ish- diplomati amerikanë tregon në Hagë bisedat me Surroin, Shalën e Kurtin
Autori: Gazeta inFokus 14:04 | 26 March 2024
Gjatë punës së tij në Kosovë, ish-diplomati amerikan, Shuan Byrnes tha se kishte dëgjuar për ndasitë që i bënin intelektualët e Kosovës në mes Prishtinës dhe Drenicës.
Madje, Byrnes tha se njëri prej këtyre personave i tha se Ushtria Çlirimtare e Kosovës (UÇK) ishte një grup rebelësh, fshatarësh kundër Lidhjes Demokratike të Kosovës (LDK), qytetarëve që përfaqësoheshin nga Ibrahim Rugova, raporton “Betimi për Drejtësi”.
“Tha që UÇK-ja përfaqësonte një njësi apo grup rebelësh, fshatarësh kundër LDK-së dhe përfaqësues urban, qytetarë dhe të sofistikuar të cilët përfaqësoheshin nga Presidenti Rugova”, tha dëshmitari, duk theksuar se nuk iu kujtohet emri i këtij personi, mirëpo e kishin takuar në qytet.
Dëshmitari tha se ata po përpiqeshin të mblidhnin sa më shumë informata për UÇK-në.
“Në atë pikë ne po përpiqeshim që të mblidhnim sa më shumë informacion që të krijonim një panoramë për UÇK-në dhe i vetmi vështrim, e vetmja perspektivë që kishim ne në atë kohë ishte fakti që ekzistonte një grup në Drenicë që ishte UÇK. Ne nuk kishim asnjë lloj kontakti tjetër me ata që më pas neve na rezultuan të ishin zona. Pra, ne nuk dinim dhe nuk kishim kontakte lidhur me zonat”, tha dëshmitari.
Byrnes tha se burimi i informacionit ishte më i gjerë se njohuritë që kishin anëtarët e GDOM-it, kurse shtoi se këta intelektualë flisnin për ndasitë në mes Prishtinës dhe Drenicës.
Sipas tij, atij iu tha se Prishtina ishte qendër e lartë e kulturës së vendit, ndërsa Drenica një zonë e largët që përbëhej me fshatarë.
“Kjo përgjigje vjen nga ky grupi i fundit, pra nga ky grupi i sofistikuar që ishin kryesisht të rinj, shqiptarë të Kosovës të rinj, të miredukuar, gazetarë, persona, si për shembull; Blerim Shala, Veton Surroi i Kohës Ditore, persona të kësaj natyre. Albin Kurti po ashtu që në atë kohë punonte për Adem Demaçin. Persona të tillë, pra me këto cilësi”, tha ai.
Byrnes tha se një gjë që i kishte thënë njëri prej tyre, i kishte mbetur në mendje.
“Njëri prej tyre më tha në një pikë dhe kjo është diçka që nuk do ta harroj kurrë, e kam ngulitur në mendje; Ata flisnin për ndasitë, dallimet tradicionale, kulturore ndërmjet Drenicës dhe Prishtinës. Prishtina ishte qendra dhe institucioni qeveritar, aty gjendej edhe Universiteti i Prishtinës. Në njëfarë kuptimi ishte qendra e kulturës së lartë të vendit. Ndërkohë, që sa i takon Drenicës, Drenica ishte një zonë e largët në disa kuptime në atë kohë që sipas mendimit të tyre dominohej ose përbëhej nga fshatar”, deklaroi dëshmitari.
Përpara kësaj, avokati i Selimit, Geoffrey Roberts i lexoi dëshmitarit pjsë nga deklarata e tij e dhënë për ZPS-në ku fliste për ‘Grupin e Drenicës’, të cilët i kishte përshkruar si me pikëpamje nacionaliste dhe se në Prishtinë kishte fikë se këta persona do ta merrnin në dominim qytetin.
“Ne e patëm kuptimin që ekzistonte një grup që quhej ‘Grupi i Drenicës’, i cili ishte i zgjuar edhe i mençur. Kemi dëgjuar për njerëz të sofistikuar që flisnin për ndarjen urbane të vendit dhe ndarjen Drenicë-Prishtinë. Udhëheqja e ‘Grupit të Drenicës’ ishte shumë nacionaliste dhe ideologjike. Prishtina ishte e sofistikuar dhe urbane dhe këta njerëz kishin frikë se ata nga Drenica do të merrnin përsipër Prishtinën. Ne kemi punuar në mënyrë efektive jashtë Prishtinës dhe jemi shoqëruar me njerëz të ri të arsimuar dhe të respektueshëm”, lexoi Roberts pjesë nga deklarata e dëshmitarit për ZPS-në. /BpD/
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...