Lajme

Prishtina mund të futet sërish në karantinë

Autori: Gazeta inFokus 10:52 | 11 May 2020

Gjatë 24 orëve të fundit 14 persona janë konfirmuar me Coronavirus, duke quar në 884 numrin e të infektuarve në nivel vendi.

Numri prej 14 të infektuarve vjen pas një trendi pozitiv të të shëruarve gjatë ditëve të fundit, ku u shëruan 655 persona.

Edhe pse në Prishtinë mbrëmë u konfirmua vetëm një rast, nënkryetari i komunës së Prishtinës, Muhedin Nushi në një intervistë për Ekonomia Online ka paralajmëruar se nëse rritet numri i të infektuarve mund të kthen në fuqi masat strikte.

-Advertisement-

Sipas tij, Prishtina edhe mund të futet në karantinë, por edhe mund të kthehet “ora policore”.

Kryeqyteti ka dal nga karantina me 4 maj, gati një muaj pasi ministri në detyrë i Shëndetësisë, Arben Vitia ka marrë vendim për shpalljen e Prishtinës si zonë karantine, duke ndaluar hyrjet dhe daljet.

Nga data 8 shkurt në Laboratorin e Mikrobiologjisë Molekulare në IKShPK, janë testuar gjithsej 9 934 mostra të dyshimta dhe prej tyre pozitive rezultojnë gjithsej 884 raste, me gjithsej 28 raste të vdekjes të cilët kanë pasur sëmundje të tjera shoqëruese.

Në nivel global, nga data 31 dhjetor e vitit të kaluar më 10 maj sipas Worldometers, janë raportuar gjithsej 4 156 014 raste dhe 282 794 raste të vdekjes.

Subscribe në YouTube: GAZETA INFOKUSI