Lajme

Prishtina me vetëm 80 zjarrfikës, Komandanti i Brigadës thotë se sipas ligjit duhet t’i ketë rreth 150

Autori: Gazeta inFokus 19:40 | 20 July 2023

Komandanti i Brigadës së Zjarrfikësve në Prishtinë, Mal Gashi ka deklaruar se ndonëse ka vende të lira për zjarrfikës, të njëjtat nuk po zëvendësohen me zjarrfikës të rinj.

Gashi ka deklaruar se kjo paraqet një problem duke qenë se kryeqyteti ka mungesë të lartë të zjarrfikësve, numër ky i cili nuk është në përputhje me ligjin.

“Asgjë s’ka ndryshuar për mire. Këtë vit 5 veta kanë dal në pension dhe vendet nuk po mbushen…220 mijë banorë, duhet t’i ketë 146 zjarrfikësa në bazë të ligjit e i ka vetëm 80”, ka deklaruar Gashi

-Advertisement-

Ky i fundit ka theksuar se kjo mungesë vie si rrjedhojë e ngecjes në komunikim të komunave me agjensitë që menaxhojnë zjarrfikësit.

“Problemi kyç është për shkak të statusit. Ne jemi staf i Ministrisë së Punëve të Brendshme. Menaxhohemi nga agjensia në koordinim dhe bashkëpunim me komunën. Pra, për me vendos konkurs duhet AMI-ja, në koordinim me komunën…vendet e lira duhet të argumentohen. Ky koordinimi, në mes agjensisë dhe komunave ka ngecur”, ka deklaruar ai.

Komandanti Gashi thotë se zjarrfikësit numërojnë rreth 734 intervenime, përkatësisht rreth 122 për muaj.

Së fundmi, Kosova po përballet me temperatura të larta.

Gashi ka treguar se zonat më të rrezikuara dhe ato të cilat janë prekur në të kaluarën janë Barileva, Grashtica, Magurë, Fushë Kosovë dhe Parku i pishave./RTV Dukagjini

Subscribe në YouTube: GAZETA INFOKUSI