Sport

Prishtina: Edhe një fitore e Vokrrit kundër Prishtinës

Autori: Gazeta inFokus 17:10 | 15 May 2018

Tashmë gjitha dilemat se ndeshja Prishtina – Drita do zhvillohet në stadiumin e Qytetit në Prishtinë, dihen pas vendimit të MKRS-së, që ta ndaloj një gjë të tillë, shkruan infokusi.

Por ‘prishtinafc.com’, ka shkruar se kjo ishte një fitore e Vokrrit ndaj Prishtinës, ku më tej ka shkruar se presidenti i FFK-së, nuk ka fjetur tërë naten vetëm e vetëm ta pengoj zhvillimin e kësaj ndeshje.

LEXO EDHE: ZYRTARE: Ky është vendimi për ndeshjen, Prishtina-Drita

-Advertisement-

Më posht shkrimi i plotë i FC Prishtinës:

Edhe një fitore e Vokrrit kundër Prishtinës
Krejt kjo është bërë vetëm për ta prerë shiritin

Prishtinë, 15 maj 2018 – Edhe një fitore e Fadil Vokrrit kundër Prishtinës. Nuk mbizotëroi arsyeja edhe pse të gjithë përgjegjësit ishin për t’u zhvilluar ndeshja në stadiumin e qytetit – ishte Vokrri që me presion të paparë e të padëgjuar duke mos fjetur tërë natën e mbase duke qëndruar te “Bata” në Graçanicë, nuk la birë pa thirr e duke arritur qëllimin duke e penguar të zhvillohet ndeshja në stadiumin tonë.

Dikur jetonte me ndihma në Francë e pastaj drejtori i klubit me 3.000 euro rrogë, sot fuqishëm e paturpësisht e luftoi klubin që e kaliti, klubin që e ktheu në vendlindje duke e amnistuar nga ngjarjet që opinioni kurrë nuk do t’ia harrojë gjatë viteve 90-ta. Ai sot manipuloi me tërë institucionet, por jo edhe me opinionin publik, jo me adhuruesit tanë e jo me banorët e qytetit.

Prishtina është më e madhe se çdo individ.