Lajme

Prigozhyn: “Jemi në një gjendje të mjerë, mund ta humbim edhe Rusinë”

Autori: Gazeta inFokus 16:53 | 24 May 2023

Themeluesi i Grupit Wagner, Yevgeny Prigozhyn, paralajmëroi se elita ruse duhet të angazhohet seriozisht në luftën në Ukrainë ose mund të humbasë veten dhe të përballet me një revolucion.

Në një intervistë të publikuar në kanalin e tij Telegram, Prigozhin tha gjithashtu se Ukraina do të përpiqet të rrethojë Bakhmutin dhe të sulmojë Krimenë.

“Me shumë mundësi, ky skenar nuk do të jetë i mirë për Rusinë, kështu që ne duhet të përgatitemi për një luftë të vështirë. Jemi në një gjendje të tillë që mund ta humbim Rusinë – ky është problemi kryesor… Ne duhet të vendosim gjendjen e jashtëzakonshme”, tha kreu i grupit mercenar.
Ai shtoi se pikëpamjet e tij politike mbizotërohen nga dashuria për atdheun dhe shërbimi ndaj Vladimir Putinit.
Elita ruse, tha ai, mbrojti fëmijët e saj nga lufta, ndërsa fëmijët e rusëve të zakonshëm vdiqën në vijën e frontit, një situatë që ai thotë se mund të shkaktojë trazira në Rusi.

-Advertisement-

“Nëse rusët e zakonshëm vazhdojnë t’i kthejnë fëmijët e tyre në arkivole, ndërsa fëmijët e elitës bëjnë banja dielli jashtë vendit, Rusia do të përballet me trazira si revolucionet e vitit 1917 që çuan në luftë civile”, thotë Prigozhyn.

Ukraina po përgatit një kundërofensivë me qëllim që të shtyjë trupat ruse në kufijtë e saj të para vitit 2014 kur Rusia aneksoi Krimenë, tha Prigozhyn.

Subscribe në YouTube: GAZETA INFOKUSI