Lajme

Presidentja në Zllakuqan, fshatin që i ndihmoi mijëra banorë të Mitrovicës në vitin 1999

Autori: Gazeta inFokus 18:21 | 18 August 2023

Presidentja Vjosa Osmani ka qëndruar sot për vizitë në fshatin Zllakuqan të Klinës, shkruan Gazeta Express.

Osmani tha se banorët e këtij fshati I kanë ndihmuar mijëra banorë të Mitrovicës gjatë kohës së luftës.

“Zemërgjerësia dhe solidariteti në kohë sfiduese më bënë që të rikthehem në Zllakuqan të Klinës, banorët e të cilit më 1999 ndihmuan mijëra banorë nga rajoni i Mitrovicës të cilët ishin dëbuar nga shtëpitë e tyre nga regjimi gjenocidal i Serbisë dhe ishin detyruar të ecin në këmbë deri në kufirin me Shqipërinë.

-Advertisement-

Zemërbardhët e Zllakuqanit mundësuan triumfin e dhembshurisë mbi luftën gjenocidale dhe fitoren e solidaritetit mbi frikën, ndaj faleminderit nga thellësia e zemrës, që riafirmuan besimin në fuqinë e mirësisë!”, ka shkruar Osmani në një postim në “Facebook”.

Subscribe në YouTube: GAZETA INFOKUSI