Rajoni dhe Bota

Presidenti Meta takohet me Kryeministrin e Turqisë

Autori: Gazeta inFokus 15:05 | 16 Mars 2018

Presidenti i Republikës së Shqipërisë, Ilir Meta, zhvilloi një takim me Kryeministrin e Republikës së Turqisë, Binali Yildirim.

Presidenti Meta vlerësoi marrëdhëniet tradicionalisht miqësore e vëllazërore, si dhe të partneritetit strategjik ndërmjet dy vendeve dhe shprehu mirënjohjen për mbështetjen që Turqia i ka dhënë shqiptarëve ndër vite, shkruan Infokusi.com

“Në mënyrë të veçantë Presidenti Meta vlerësoi rolin dhe kontributin e dhënë nga agjencia shtetërore turke për bashkëpunim dhe koordinim, TIKA, e cila është e pranishme dhe e ka shtrirë aktivitetin e saj mbështetës në të gjithë vendin”, thuhet në komunikatën e presidencës shqiptare.

-Advertisement-

Presidenti Meta vlerësoi gjithashtu se Turqia është një nga partnerët kryesorë ekonomik e tregtar për Shqipërinë.

Duke u ndalur në çështjet e sigurisë, Presidenti Meta theksoi se, si dy vende aleate në NATO dhe partnere prej vitesh, Shqipëria dhe Turqia do të vijojnë bashkëpunimin e tyre të ngushtë në luftën kundër terrorizmit ndërkombëtar, organizatave terroriste dhe kërcënimeve të tjera të përbashkëta. /INFOKUSI.COM/