Lajme

Presidenti Macron: Kurti e Vuçiq dje u shprehën të gatshëm për zbatim të Ohrit dhe Asociacionit

Autori: Gazeta inFokus 20:54 | 27 October 2023

Presidenti i Francës, Emmanuel Macron, ka folur për takimet e të enjtes në Bruksel me kryeministrin e Kosovës, Albin Kurti dhe presidentin e Serbisë, Aleksander Vuciq.

Kreu i shtetit të Francës ka thënë se nga Kurti dhe Vuçiq kanë marrë qëndrime të qarta për gatishmërinë e tyre që të zbatojnë marrëveshjet e Brukselit dhe Ohrit si dhe themelimin sa më të shpejt të Asociacionit të komunave me Shumicë Serbe.

“ Nga Kurti dhe presidenti Vuçiq dje morëm deklarata të qarta për gatishmërinë e tyre për zbatimin e Marrëveshjeve të Brukselit dhe Ohrit, si dhe për themelimin sa më të shpejtë të Asociacionit”, ka thënë Macron.

-Advertisement-

Macron theksoi se BE dëshiron që kjo të bëhet realitet tani dhe që normalizimi i marrëdhënieve të vazhdojë.

Ai gjithashtu ka thënë se kanë dënuar sulmin e 24 shtatorit dhe kanë kërkuar nga Vuçiq masa të qarta dhe hetim.

“Ne e dënuam sulmin e 24 shtatorit dhe kërkuam masa të qarta dhe hetim nga presidenti Vuçiq”, theksoi Macron.

 

Subscribe në YouTube: GAZETA INFOKUSI
Etiketa:
Afati i fundit për regjistrime në programin MSc. Data Science & Analytics në UNI – Universum International College – Powered…
-Advertisement-

Të tjera

Fokusi

lajme