Presidenti Ademi dhe ministri Gashi nënshkruan memorandumin për Kompleksin e Futbollit në Obiliq
![](https://gazetainfokus.com/wp-content/uploads/2018/08/xcxcxc-852x460.jpeg)
Autori: Gazeta inFokus
16:56 | 29 August 2018
Presidenti i Federatës së Futbollit të Kosovës, z. Agim Ademi dhe ministri i Kulturës, Rinisë dhe Sportit, z.Kujtim Gashi, e kanë nënshkruar sot memorandumin e bashkëpunimit ndërmjet këtyre dy institucioneve, i cili ka për qëllim realizimin e projektit të kompleksit për ekipet kombëtare në Obiliq, ku do të investohet në tri fushat aktuale në stadiumin “Agron Rama”, shkruan GazetaFokus.
Për realizimin e këtij projekti Ministria e Kulturës, Rinisë dhe Sportit ka siguruar diku rreth 10 hektarë në marrëveshje me Komunën e Obiliqit, derisa projekti do të financohet nga UEFA dhe FIFA. Pas nënshkrimit të këtij memorandumi ministri Kujtim Gashi u shpreh i lumtur me arritjen e kësaj marrëveshje. “Ky projekt është në kuadër të masovizimit të sportit, përkatësisht avancimit të infrastrukturës sportive në Republikën e Kosovës dhe është pjesë e bashkëpunimit të ngushtë që kemi me Federatën e Futbollit të Kosovës.
Natyrisht që është njëri ndër projektet më të rëndësishme në infrastrukturën sportive që do të ndërtohet gjatë viteve 2018-2019 dhe në kuadër të saj të gjitha investimet që do të vazhdojnë do të jenë bashkëpunim i Ministrisë së Kulturës, Rinisë dhe Sportit dhe Federatës së Futbollit të Kosovës. Është një model i ri i bashkëpunimit, një frymë e re e investimeve. Siç po shihet edhe 2019-2020 do të jenë vitet ku do të kemi një fokus të veçantë në infrastrukturën sportive”, ka theksuar Gashi.
Ndërkaq, presidenti i Federatës së Futbollit të Kosovës, z. Agim Ademi, e falënderoi edhe një herë ministrin Gashi për gatishmërinë e treguar për t’i ndihmuar rreth këtij investimi.
“Nënshkrimi i këtij memorandumi është edhe një dëshmi që ministri i sportit dhe qeveria e ka bërë strategjinë për sportin përkatësisht për futbollin dhe kjo është një prej projekteve të radhës. Ne e kemi filluar realizimin e projektit për 12 stadiume për 12 ekipet e Superligës. E kemi bërë stadiumin ‘Fadil Vokrri’, të cilin falë ministrit dhe ministrisë ka përfunduar dhe tani është stadium i cili do të pranohet në kategorinë e katërt për ndeshjen e ekipit nacional. Ndërkaq, sa i përket projektit në Obiliq është financim i UEFA-s dhe FIFA-s por edhe i ministrisë, pasi që ministria ka siguruar bazën – tokën të cilën i është dhënë nga Komuna e Obiliqit”, ka theksuar presidenti Ademi.
Kësisoj, kompleksi i futbollit në Obiliq prej rreth 10 hektarësh do të jetë në shfrytëzim të Federatës së Futbollit të Kosovës për 25 vjet, ndërkohë që shuma e investimit nga UEFA e FIFA kap shifrën prej 3 milionë eurosh. /GazetaFokus.
![](https://gazetainfokus.com/wp-content/uploads/2024/01/ARTIKULLI-ufc-scaled.jpg)
Të tjera
-
Kina dhe Franca nisin misionin për të kuptuar më mirë gjithësinë
Një satelit i Francës dhe Kinës është lëshuar të shtunën drejt hapësirës, për...
-
Mungesa e rezultateve për të pagjeturit, Hoti paralajmëron palën serbe
Muret e zyrës së tij nuk janë aq të mëdha për t’i bërë vend të gjithë të pagj...
-
Deputetja e AAK-së: Qeveria nuk po bën asgjë për sigurimet shëndësore të Policisë së Kosovës
Deputetja e AAK-së, Time Kadrijaj, për FrontOnline thotë se sigurimi për Poli...
-
Sindikata e Policisë: Ministri Sveçla na premtoj se shumë shpejtë bëhen sigurimet shëndetësore për policët
Nënkryetari i Sindikatës së Policisë së Kosovës, Avdi Hoti, për FrontOnline, ...
-
Lekaj: Kosova ka një kryeministër shumë të dobët në dialog, prandaj nuk po mbyllet raporti Kosovë-Serbi
Kryeministri i Kosovës, Albin Kurti dhe presidenti i Serbisë, Aleksandër Vuçi...
-
Çekia thotë se Kosova dhe Serbia duhet të afrohen me standardet evropiane, të reformojnë veten e tyre
Zgjerimi i Bashkimit Evropian për të përfshirë vendet e Ballkanit Perëndimor ...
-
Kastrati e quan ‘mjeran’ Surroin: Gjithmonë ka qenë i shkëputur nga identiteti ynë
Deputeti I PDK’së, Ardian Kastrati ka reaguar pas një deklarate të publicisti...
-
Shtrëngata të mëdha me breshër masiv kaplojnë Bosnje-Hercegovinën dhe Serbinë
Në raportin më të ri parashikues të Institutit Eksperimental për studimin e s...
-
Nga një muaj paraburgim për katër të dyshuarit për fajde që u arrestuan në Pejë
Gjykata Themelore në Pejë ua ka caktuar masën e paraburgimit katër të arrestu...
-
Humolli: Kurti vazhdon me takime që nuk i ndihmojnë paqes në Ballkan, ende nuk mori mësim nga kjo politikë e gabuar
Kryeministri i Kosovës, Albin Kurti dhe presidenti i Serbisë, Aleksandër Vuçi...
-
Paralajmërohet kujdes, pas temperaturave jashtëzakonisht të larta, stuhitë e forta pritet të pushtojnë vendin
Një ditë jashtëzakonisht e nxehtë ka mbretëruar edhe gjatë ditës së sotme. Qy...
-
Rukiqi (LDK): Një javë plot propagandë e dyshes Bislimi-Murati
Anëtari i Lidhjes Demokratike të Kosovës, Berat Rukiqi, ka thënë se dy anëtar...