Portieri i Kosovës lë vendlindjen i dëshpëruar
Autori: Gazeta inFokus
14:50 | 16 October 2017
Granit Kolshi ka thënë “boll ma”. Portieri i njohur kosovar ka lënë gjithçka në Kosovë për ta marrë rrugën e kurbetit. 27-vjeçari ka mbetur i zhgënjyer dhe i dëshpëruar nga kushtet në futbollin kosovar dhe nga ata që e udhëheqin këtë sport, prandaj vendosi ta nisë një jetë të re përtej Atlantikut, në Shtetet e Bashkuara të Amerikës. Portieri i trofeshëm nga Fushë Kosova e pranon se ishte vendim i vështirë, por që nuk kishte zgjidhje tjetër. Synim i radhës i tij është ta vazhdojë karrierën në Amerikë
Granit Kolshi ishte njëri prej portierëve më të mirë të futbollit të Kosovës në vitet e fundit, shkruan sot gazeta Zëri.
Paraqitjet e tij brilante me skuadrat që i përfaqësoi e kishin bindur madje edhe përzgjedhësin Albert Bunjaki që ta ftonte në Përfaqësuesen e Kosovës.
Mirëpo portieri nga Fushë Kosova, si shumë futbollistë të tjerë, mbeti i zhgënjyer me tretmanin dhe kushtet në futbollin kosovar.
Prandaj ai la gjithçka që kishte ndërtuar në karrierë për ta marrë rrugën e largët drejt kurbetit.
Ish-portieri i Fushë Kosovës, Feronikelit, Prishtinës dhe Besës ka zbarkuar përtej Oqeanit Atlantik, respektivisht në Shtetet e Bashkuara të Amerikës, ku do ta fillojë një jetë të re. Përmes një njoftimi në rrjetet sociale Kolshi e ka dhënë njoftimin për largim nga Kosova.
“Çdo fillim i madh e ka edhe fundin. Pas shumë sukseseve në Superligën e dashur tashmë erdhi momenti që nuk e kam planifikuar, momenti i një fillimi të ri, momenti i largimit. Mendoj se është koha e një epoke të re, për të cilën punuam së bashku me trajnerët dhe me shokët e dashur. Mirupafshim Kosova ime e dashur, do të vazhdoj të të shërbej ashtu siç jam munduar prej ndeshjes sime të parë e deri tek e fundit”, ka shkruar portieri i njohur kosovar.
Largohet prej Kosovës i zhgënjyer
Kolshi e ka shijuar eksperiencën e tij në futbollin kosovar. Mirëpo ai ka mbetur edhe i zhgënjyer nga disa njerëz, emrat e të cilëve nuk dëshiron t’i përmendë.
Ai e synon një jetë më të mirë në SHBA.
“Arsyeja kryesore përse jam larguar nga Kosova janë kushtet financiare. Për këtë arsye e kam marrë udhëtimin për në Amerikë. Ka qenë e vështirë për ta marrë vendimin për t’u larguar nga Kosova shkaku i familjes”, ka thënë fillimisht Kolshi.
“Unë nuk do të përmend shumë gjëra, le të mbesin në ndërgjegjen e disa personave.
Por mund t’ju them se jam shumë, shumë i zhgënjyer. Për këtë edhe kam ikur. Arsyeja tjetër që e kam marrë rrugën për këndej ka qenë mosprezenca ime në Kupën e Kosovës. Më janë bërë po ashtu shumë padrejtësi, por nuk dua t’i zbuloj”, nënvizoi 27-vjeçari.
E vazhdon karrierën në Amerikë
Largimi nga Kosova nuk nënkupton edhe përfundim të parakohshëm të karrierës për futbollistin e lindur më 17 shtator të vitit 1990.
Ai ka filluar qysh tash të mendojë për ta gjetur ndonjë angazhim në Amerikë, duke iu bashkuar ndonjë klubi.
E pas përfundimit të karrierës mund ta fillojë zejen e trajnerit. Sidoqoftë, kjo i përket një së ardhmeje më të largët, pasi ai i ka përpara edhe disa vite karrierë si portier.
“Do ta shoh. Besoj se shumë shpejt do ta vazhdoj karrierën këtu me futboll. E më pas, pas përfundimit të karrierës, do ta shqyrtoj çdo mundësi”, shprehet Kolshi, i cili njihet për përulësinë dhe thjeshtësinë e tij në fushën e blertë dhe jashtë saj.
Njeriu i trofeve
Kolshi e ka një bagazh mjaft të pasur në karrierën e tij. Përpos që ka luajtur për Përfaqësuesen e Kosovës, ka qenë dy herë fitues i Kupës së Kosovës, një herë kampion i Kosovës, e ka fituar një superkupë të Kosovës dhe është shpallur një herë portieri më i mirë në Kosovë.
Ai ka shkuar i vetëm në Amerikë dhe momentalisht po qëndron tek një i afërt i tij.
Kolshi i është bashkuar listës së gjatë të futbollistëve që janë larguar nga Kosova të zhgënjyer dhe të dëshpëruar me kushtet në futbollin kosovar.

T� tjera
-
Një muaj paraburgim për Astrit Haraqinë dhe grupin e arrestuar dje në Prishtinë
Astrit Haraqia dhe personave të tjerë të arrestuar dje në Prishtinë u është c...
-
Ndalohet zyrtari i Gjykatës në Prishtinë, dyshohet se mundësoi regjistrimin e banesës në emër të serbit
Prokuroria Themelore në Prishtinë ka ndaluar për 48 orë një zyrtar me inicial...
-
Trump fajëson teknologjinë e vjetër për kaosin në aeroportet amerikane: “Pati një sulm në zemër”
Presidenti i Shteteve të Bashkuara të Amerikës, Donald Trump, ka fajësuar paj...
-
Kënga serbe për Kosovën në Bruksel, Rama: S’e di nëse ishte e qëllimshme apo nga padija, por ishte fyerje e rëndë
Kryeministri i Shqipërisë, Edi Rama, kritikoi interpretimin e një kënge nacio...
-
DETAJE TË REJA: Mburreshin për “çmimin e lartë” – del që AKP-ja pronën për babain e Valon Ramadanit e shiti me çmimin më të ulët nga 6 prona në Ferizaj në 2025-ën
Agjencia Kosovare e Privatizimit (AKP), e cila kishte arsyetuar shitjen direk...
-
Pamje të tmerrshme nga tuneli në Lismir: Komuna e Fushë Kosovës akuzohet se e dëmtoi, tani mbushet me ujë sa herë bie shi
Asamblisti i Lidhjes Demokratike të Kosovës (LDK) në Komunën e Fushë Kosovës,...
-
“Kështu është kur mbetesh pa miq e aleatë”, Rrezarta Krasniqi reagon për këngën serbe kundër Kosovës në një forum të BE-së
Ish-deputetja e Lidhjes Demokratike të Kosovës (LDK), Rrezarta Krasniqi, ka r...
-
Gruaja në Bordin e BQK-së e burri në TEB, mbi 127 mijë euro të hyra nga pagat e bonuset e majme
Në Kosovë, një nga vendet më të varfra të kontinentit evropian, të cilën e qe...
-
Presidentja takohet me ambasadoren e Izraelit, në fokus bashkëpunimi mes dy vendeve
Presidentja Justina Shiroka Pula, ka pritur në takim ambasadoren e Izraelit n...
-
KPM nuk miraton rekomandimin për vërejtje ndaj TV Dukagjinit për emisionin “Debat Plus”
Komisioni i Pavarur për Media (KPM), lidhur me rastin e Televizionit Dukagjin...
-
Komisioni Evropian distancohet edhe me “shkrim” për melodinë nacionaliste kundër Kosovës: Na vjen keq për zgjedhjen e grupit muzikor
Komisioni Europian ka shprehur keqardhje për interpretimin e këngës nacionali...
-
Eurodeputeti: Kosova meriton respekt të plotë, meloditë nacionaliste në Forumin e Zgjerimit minojnë frymën e pajtimit rajonal
Deputeti i Parlamentit Europian, Ilhan Kyuchyuk i ka dalë në mbështetje Kosov...
































