Lajme

Policia vazhdon aksionin për ndalimin e prodhimit të kriptovalutave, konfiskon pajisje në Drenas

Autori: Gazeta inFokus 10:06 | 10 January 2022

Policia e Kosovës të dielën në Drenas ka ndaluar një burrë i cili më automjetin e tij po kontrabandonte pajisje për prodhimin e kriptovalutave.

Sipas policisë në veturë atij iu gjetën 116 kartela grafike, 17 pllaka me procesor, 50 siguresa të energjisë elektrike dhe dy procesorë të cilët vetëm ishin të përdorur.

Trajtimi i këtij rasti do të vazhdohet nga Dogana e Kosovës.

-Advertisement-

Raporti i plotë:

Njësitë policore nën dyshimin se është duke bërë kontrabandë me mallra kanë ndaluar automjetin me targa vendore të cilin kishte qenë duke e drejtuar i dyshuari mashkull kosovar. Në automjet i dyshuari kishte të ngarkuara pajisje për prodhimin e kriptovalutave si: 116 kartela grafike, 17 pllaka me procesor, 50 siguresa të energjisë elektrike, 21 USB dhe 2 procesorë të përdorur. Vetura me të gjitha pajisjet është sekuestruar dhe me trajtimin e rastit vazhdon Dogana e Kosovës. Lidhur me rastin është njoftuar edhe prokurori kompetent./Gazeta Infokus/

 

 

Subscribe në YouTube: GAZETA INFOKUSI
Kryetari Përparim Rama pjesë e ‘Mayor’s Talk’
-Advertisement-

Të tjera

Fokusi

lajme